ದಾವಣಗೆರೆ: ಮಂಗನಾಟವಾಡಿದ ಚಾಲಕ ಕರ್ತವ್ಯದಿಂದ ವಜಾ

•   Sat, Oct 06 2018 09:20:27 PM



• ದಾವಣಗೆರೆ, ಅ 06(SM): ಕೋತಿ ಶರಬು ಕುಡಿಯೋದು, ಬಸ್ ಏರೋದು ಹೀಗೆ ಹತ್ತು ಹಲವು ಕೀಟಲೆಗಳನ್ನು ನಾವು ಕಂಡಿದ್ದೇವೆ. ಆದ್ರೆ ಬಸ್ ನೊಳಗಿರೋ ಸ್ಟಿಯರಿಂಗ್‌ ಮೇಲೆ ಕುಳಿತು ಬಸ್ ಚಲಾಯಿಸೋದನ್ನು ನೋಡಿದ್ದೀರಾ? ಆಶ್ಚರ್ಯವಾದರು ಸತ್ಯ. ಇತ್ತೀಚಿಗೆ ಕಪ್ಪು ಮುಖದ ಕೋತಿಯೊಂದು ರಾಜ್ಯ ಸಾರಿಗೆ ಬಸ್‌ನಲ್ಲಿ ಚಾಲಕನೊಂದಿಗೆ ಸ್ಟಿಯರಿಂಗ್‌ ಮೇಲೆ ಕುಳಿತು ತಾನೂ ಡ್ರೈವಿಂಗ್‌ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಈ ಘಟನೆ ನಡೆದಿದ್ದು ನಮ್ಮದೇ ರಾಜ್ಯದ ದಾವಣಗೆರೆಯಲ್ಲಿ.

  
  

  

  ಸರಕಾರಿ ಸಾರಿಗೆ ಸಂಸ್ಥೆಗೆ ಸೇರಿದ ಬಸ್ ವೊಂದರಲ್ಲಿ ಈ ಘಟನೆ ನಡೆದಿದ್ದು, ವಿಡಿಯೋ ವೈರಲ್‌ ಆಗುತ್ತಿದ್ದಂತೆ ಸಾರಿಗೆ ಅಧಿಕಾರಿಗಳು ತನಿಖೆಗೆ ಆರಂಭಿಸಿದ್ದಾರೆ. ಮಾತ್ರವಲ್ಲದೆ ಚಾಲಕನನ್ನು ಕರ್ತವ್ಯ ನಿರ್ಲಕ್ಷ್ಯ ತೋರಿದ ಆರೋಪದಡಿಯಲ್ಲಿ ವಜಾ ಮಾಡಿದ್ದಾರೆ.

  ದಾವಣಗೆರೆಯಿಂದ ಭರಮಸಾಗರಕ್ಕೆ ತೆರಳುತ್ತಿದ್ದ ರಾಜ್ಯ ಸಾರಿಗೆ ಬಸ್‌ನಲ್ಲಿ ಪ್ರಯಾಣಿಕರೊಬ್ಬರೊಂದಿಗೆ ಬಂದಿದ್ದ ಕೋತಿ ನೇರವಾಗಿ ಸ್ಟಿಯರಿಂಗ್‌ ಮೇಲೆ ಕುಳಿತು ತಾನೂ ಡ್ರೈವರ್‌ನೊಂದಿಗೆ ಡ್ರೈವಿಂಗ್‌ ಮಾಡಿ ಪ್ರಯಾಣಿಕರಿಗೆಲ್ಲಾ ಭರ್ಜರಿ ಮನರಂಜನೆ ನೀಡಿತ್ತು. ಅಲ್ಲದೆ ಚಾಲಕ ಕೂಡ ಕೋತಿಯ ವರ್ತನೆಯಿಂದ ಫುಲ್ ಫಿದಾ ಆಗಿದ್ದ. ಈ ದೃಶ್ಯವನ್ನು ಕೆಲವರು ಮೊಬೈಲ್ ಗಳಲ್ಲಿ ಸೆರೆ ಹಿಡಿದಿದ್ದಾರೆ. ಚಾಲನೆ ವೇಳೆ ಕರ್ತವ್ಯ ಲೋಪ ತೋರಿದ ಆರೋಪದಡಿಯಲ್ಲಿ ಆತನನ್ನು ಇಲಾಖೆ ವಜಾಗೊಳಿಸಿದೆ.
  ಮಂಗನಾಟವಾಡಿದ ಚಾಲಕ ಇದೀಗ ತನ್ನ ಕೈಯಲ್ಲಿದ್ದ ಹುದ್ದೆಯನ್ನೇ ತೊರೆಯುವಂತಾಗಿದೆ.