ಬಂಟ್ವಾಳ: ಮೊಬೈಲ್ ಎಗರಿಸಿ ಯುವಕನ ಹಲ್ಲೆ ನಡೆಸಿದ ದುಷ್ಕರ್ಮಿಗಳು

•   Sun, Oct 07 2018 02:43:51 PM



• ಬಂಟ್ವಾಳ, ಅ 7 (MSP): ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಯುವಕನೊಬ್ಬನಿಗೆ ಥಳಿಸಿ ಮೊಬೈಲ್ ಎಗರಿಸಿದ ಘಟನೆ ಅ.7 ರ ಭಾನುವಾರ ಬೆಳಗ್ಗಿನ ಜಾವ ಸುಮಾರು 3 ಗಂಟೆಗೆ ಬಂಟ್ವಾಳದಲ್ಲಿ ನಡೆದಿದೆ. ಹಲ್ಲೆಗೆ ಒಳಗಾದ ಯುವಕನನ್ನು ಪ್ರವೀಣ್ ಭಂಡಾರಿಬೆಟ್ಟು ಎಂದು ಗುರುತಿಸಿಲಾಗಿದೆ. 

  

  

  

  
  ಮುಂಜಾನೆ ಸುಮಾರು 3.30 ಗಂಟೆಗೆ ಪ್ರವೀಣ್ ಚೆಂಡ್ತಿಮಾರ್ ಸಂಬಂಧಿಕರ ಮನೆಯಿಂದ ಭಂಡಾರಿಬೆಟ್ಟು ಈತನ ಮನೆಗೆ ಬೈಕಿನಲ್ಲಿ ಬರುತ್ತಿದ್ದ ವೇಳೆ ಬಂಟ್ವಾಳ ನೆರೆ ಪರಿಹಾರ ರಸ್ತೆ ಯಲ್ಲಿ ರಿಟ್ಝ್ ಕಾರಿನಲ್ಲಿ ಬಂದ ಯುವಕರ ತಂಡ ಪ್ರವೀಣ್ ಅವರ ಮೊಬೈಲ್ ಕಸಿದುಕೊಂಡು ಸ್ಪಷ್ಟವಾದ ಕಾರಣವಿಲ್ಲದೆ ಹಲ್ಲೆ ನಡೆಸಲಾಗಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

  
  ಪ್ರವೀಣ್ ಅವರಿಗೆ ಕೈ ಹಾಗೂ ಕಾಲುಗಳಿಗೆ ಗಾಯಗಳಾಗಿದ್ದು ಬಂಟ್ವಾಳ ಸಮುದಾಯ ಆರೋಗ್ಯ ಕೇಂದ್ರ ದಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಘಟನೆ ಮಾಹಿತಿ ಪಡೆದ ನಗರ ಪೋಲೀಸರು ಆಸ್ಪತ್ರೆಗೆ ಬೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪೊಲೀಸ್ ರ ತನಿಖೆ ಯ ಬಳಿಕವಷ್ಟೇ ಹಲ್ಲೆಯ ಸ್ಪಷ್ಟವಾದ ಕಾರಣ ತಿಳಿಯಬೇಕಾಗಿದೆ.