ಮಂಗಳೂರು: ತಪ್ಪು ಮಾಡಿದವರ ವಿರುದ್ಧ ನಿರ್ದಾಕ್ಷಿಣ್ಯ ಕ್ರಮ-ಸಿಎಂ ಕುಮಾರಸ್ವಾಮಿ

•   Sun, Oct 14 2018 11:05:20 PM



• ಮಂಗಳೂರು, ಅ 14(SM): ತಪ್ಪು ಮಾಡಿದವರ ವಿರುದ್ಧ ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳುವುದಾಗಿ ಸಿಎಂ ಕುಮಾರಸ್ವಾಮಿ ಹೇಳಿದ್ದಾರೆ. ಕುದ್ರೋಳಿಯಲ್ಲಿ ಮಂಗಳೂರು ದಸರಾ ಮಹೋತ್ಸವಕ್ಕೆ ಚಾಲನೆ ನೀಡಿದ ಬಳಿಕ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ಅನ್ಯಾಯ ಮಾಡಿದ ಯಾರಿಗೂ ಕೂಡ ನಾನು ರಕ್ಷಣೆ ನೀಡುವುದಿಲ್ಲ ಎಂದಿದ್ದಾರೆ.

  
  

  

  
  ಎಂಎಲ್ ಸಿ ಫಾರೂಕ್ ವಿರುದ್ಧದ ಅಕ್ರಮ ಮರಳುಗಾರಿಕೆಯ ಆರೋಪಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿದ ಅವರು, ಅಕ್ರಮ ನಡೆದಿದೆ ಎಂದು ನೀವು ನನಗೆ ತಿಳಿಸಿದ್ದೀರಿ. ಏನು ಅಕ್ರಮ ನಡೆದಿದೆ ಎಂದು ತೋರಿಸಿ. ಅದಕ್ಕೆ ಏನು ಪರಿಹಾರ ಮಾಡಬೇಕೆಂಬುವುದು ನೋಡೋಣ ಎಂದರು.

  ನನ್ನ ಪಕ್ಷದ ವ್ಯಕ್ತಿಗಳು ಅನ್ನೋದಕ್ಕಿಂತ ಪರಿಸರಕ್ಕೆ ಯಾವ ರೀತಿ ತೊಂದರೆಯಾಗುತ್ತಿದೆ ಅನ್ನೋದು ಮುಖ್ಯವಾಗಿದ್ದು, ಅದನ್ನು ತಡೆಯಲು ಕ್ರಮಕೈಗೊಳ್ಳಲಾಗುವುದು. ಅಕ್ರಮ ಮರಳುಗಾರಿಕೆ ನಡೆದಿಯೇ ಅನ್ನೋದರ ಬಗ್ಗೆ ಅಧಿಕಾರಿಗಳ ಬಳಿ ಪರಿಶೀಲನೆ ನಡೆಸಲು ತಿಳಿಸುತ್ತೇನೆ. ಹಾಗೂ ಅದರ ಕುರಿತಾದ ರಿಪೋರ್ಟ್ ಸಂಗ್ರಹಕ್ಕೆ ಪ್ರಯತ್ನಿಸುವುದಾಗಿ ಸಿಎಂ ಕುಮಾರಸ್ವಾಮಿ ಪ್ರತಿಕ್ರಿಯೆ ನೀಡಿದ್ದಾರೆ.