ಉಳ್ಳಾಲ: ಪ್ರಜ್ಞೆತಪ್ಪಿಸಿ ನಗ-ನಗದು ದೋಚಿ ಬ್ಲ್ಯಾಕ್ ಮೇಲ್ - ಇಬ್ಬರ ಬಂಧನ

•   Wed, Jul 28 2021 03:33:03 PM



• ಉಳ್ಳಾಲ, ಜು 28 (DaijiworldNews/MS): ಪಾರ್ಟಿ ಮಾಡುವ ನೆಪದಲ್ಲಿ ವ್ಯಕ್ತಿಯೋರ್ವರ ಪ್ರಜ್ಞೆ ತಪ್ಪಿಸಿ ಅವರ ಮನೆಯಲ್ಲಿದ್ದ ನಗ - ನಗದು ದೋಚಿ ಬಳಿಕ ಬ್ಲ್ಯಾಕ್ ಮಾಡಿದ ಘಟನೆ ಸಂಬಂಧ ಇಬ್ಬರು ಆರೋಪಿಗಳನ್ನು ಬಂಧಿಸಿರುವ ಉಳ್ಳಾಲ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

  

  ಬಂಧಿತ ಆರೋಪಿಗಳನ್ನು ನಗರದ ಇನ್‌ ಲ್ಯಾಂಡ್‌ ಇಂಪಾಲ ಆಪಾರ್ಟ್‌ಮೆಂಟ್‌ ನ ಅಝ್ವೀನ್ ಸಿ.ಎಂ (24) ಹಾಗೂ ಬೈಕಂಪಾಡಿ, ಕೆಬಿಎಸ್‌ ಬೊಟ್ಟು ಹೌಸ್‌ ಹತೀಜಮ್ಮಯಾನೆ ಸಫ್ನಾ(23) ಎಂದು ಗುರುತಿಸಲಾಗಿದೆ.

  ಘಟನೆಯ ವಿವರ: ದೂರುದಾರರ ಪರಿಚಯಸ್ಥರಾದ ಅಝ್ವೀನ್, ಹಾಗೂ ಹತೀಜಮ್ಮ ಇಬ್ಬರು ಜು.19 ರ ರಾತ್ರಿ ಮನೆಗೆ ಬಂದು ಪಾರ್ಟಿ ಮಾಡುವ ಆಹ್ವಾನ ನೀಡಿ, ಅಮಲು ಪದಾರ್ಥ ಬೆರೆಸಿರುವ ಜ್ಯೂಸ್‌ ಕುಡಿಸಿ ಪ್ರಜ್ಞೆ ತಪ್ಪಿಸಿದ್ದಾರೆ. ಎಚ್ಚರಗೊಂಡ ವಿವಸ್ತ್ರಗೊಂಡಿದ್ದು, ಆರೋಪಿಗಳು ಮನೆಯಲ್ಲಿ ಇಲ್ಲದಿರುತ್ತಾರೆ. ಈ ವೇಳೆ ಮನೆ ಪರಿಶೀಲಿಸಿದಾಗ ಧರಿಸಿದ್ದ ನವರತ್ನದ ರಿಂಗ್‌ ಹಾಗೂ ನಗದು ಹಣ 2,1200 ಕಳ್ಳತನ ಮಾಡಿರುವುದು ಅರಿವಿಗೆ ಬಂದಿದೆ. ಆರೋಪಿ ಅಝ್ವೀನ್ ಮನೆಗೆ ಹೋಗಿ ಈ ಬಗ್ಗೆ ವಿಚಾರಿಸಿದಾಗ ಪೊಲೀಸ್ ದೂರು ನೀಡದಂತೆ, ಹಾಗೂ ಹಣ ಮರಳಿಸುವುದಾಗಿ ಗೋಗರೆದಿದ್ದಾರೆ.

  ಆದರೆ ಆ ಬಳಿಕ ಮನೆಗೆ ಬಂದ ಆರೋಪಿಗಳು ದೂರುದಾರರ ನಗ್ನ ಫೋಟೊ ಹಾಗೂ ವಿಡಿಯೋ ತೋರಿಸಿ ತನ್ನಲ್ಲಿ ಹಣ ಕೇಳಿದರೆ ಅಥವಾ ಪೊಲೀಸ್‌ ದೂರು ದಾಖಲಿಸಿದರೆ ವಿಡಿಯೋವನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಾಕಿ ಮಾನ ಹರಾಜು ಹಾಕುವುದಾಗಿ ನನ್ನ ತಂಗಿಯ ಬಲತ್ಕಾರಕ್ಕೆ ಪ್ರಯತ್ನಿಸಿರುವುದಾಗಿ ದೂರು ದಾಖಲಿಸುತ್ತೇವೆ ಎಂದು ಬೆದರಿಸಿದ್ದಾರೆ ಎಂದು ಉಳ್ಳಾಲ ಠಾಣಾ ಪೊಲೀಸರಿಗೆ ನೀಡಿದ ದೂರಿನಲ್ಲಿ ಪಿರ್ಯಾದಿದಾರರು ವಿವರಿಸಿದ್ದಾರೆ.

  ಈ ಬಗ್ಗೆ ಕಾರ್ಯಪ್ರವೃತ್ತರಾದ ಪೊಲೀಸರು ಆರೋಪಿಗಳನ್ನು ಬಂಧಿಸಿ ಕಳವುಗೈದ ನಗದು ಹಣ ಹಾಗೂ ಕೃತ್ಯಕ್ಕೆ ಬಳಸಿದ ಮೊಬೈಲ್‌ ಫೋನ್‌ ವಶಪಡಿಸಿಕೊಂಡಿದ್ದಾರೆ.