'ಶೋಭಾ ಕರದ್ಲಾಂಜೆ ಹಲ್ಲಿರುವ ಹಾವು' - ಮಾಜಿ ಸಿಎಂ ಸಿದ್ದರಾಮಯ್ಯ ತಿರುಗೇಟು

•   Wed, Oct 17 2018 04:33:28 PM



• ಬಾಗಲಕೋಟೆ, ಅ 17 (MSP): ಜಮಖಂಡಿ ಬೈ ಎಲೆಕ್ಷನ್ ನ ಅಭ್ಯರ್ಥಿ ಶ್ರೀಕಾಂತ್ ಕುಲಕರ್ಣಿ ಪರ ಪ್ರಚಾರದದ ವೇಳೆ ಸಂಸದೆ ಶೋಭಾ ಕರದ್ಲಾಂಜೆ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿ ಸಿದ್ದರಾಮಯ್ಯ ಹಲ್ಲಿಲ್ಲದ ಹಾವಾಗಿದ್ದು, ಆ ಹಾವಿಗೆ ಯಾರೂ ಕೂಡ ಹಾಲು ಎರೆಯುವುದಿಲ್ಲ ಎಂಬ ಕುಹಕದ ಮಾತಿಗೆ ಇದೀಗ ಮಾಜಿ ಸಿಎಂ ಸಿದ್ದರಾಮಯ್ಯ ತಿರುಗೇಟು ನೀಡಿದ್ದಾರೆ.

  

  ಬಾಗಲಕೋಟೆಯಲ್ಲಿ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ, ಮಾಜಿ ಸಿಎಂ ಸಿದ್ದರಾಮಯ್ಯ, ಶೋಭಾ ಕರಂದ್ಲಾಜೆ ಅವರಿಗೆ ಕಾಮನ್ ಸೆನ್ಸ್ ಇಲ್ಲ ಎಂದು ಅವರ ವಿರುದ್ದ ಹರಿಹಾಯ್ದಿದ್ದಾರೆ. ನಾನೊಬ್ಬ ಮನುಷ್ಯ ಎಂಬ ತಿಳುವಳಿಕೆಗೆ ಅವರಿಗೆ ಇಲ್ಲ ಕಾಣಬೇಕು, ನಾನಂತೂ ಹಾವಲ್ಲ, ಮನುಷ್ಯ ಆದರೆ ಆಕೆ ಹ್ಯೂಮನ್ ಬೀಯಿಂಗೋ ಇಲ್ವೋ, ನನಗೆ ಗೊತ್ತಿಲ್ಲ. ನನ್ನನ್ನು ಹಲ್ಲಿಲ್ಲದ ಹಾವು ಎಂದು ಹೇಳಿದಾಕೆ ಹಲ್ಲಿರೋ ಹಾವಾಗಿರಬೇಕು ಎಂದು ಮಾತಿನೇಟು ನೀಡಿದ್ದಾರೆ.

  ಶೋಭಾ ಅವರು ಹಾವಿನ ಫ್ಯಾಮಿಲಿಗೆ ಸೇರಿದ್ದಾರೋ? ಇಲ್ವೋ? ಗೊತ್ತಿಲ್ಲ.. ಆದರೆ ಅವರು ಈ ರೀತಿಯಾಗಿ ಅಸಂಬದ್ದ ಹೇಳಿಕೆಗಳನ್ನು ನೀಡುವುದನ್ನು ಮೊದಲು ಬಿಡೋದು ಒಳ್ಳೆಯದು. ಹಲ್ಲಿರಲಿ, ಹಲ್ಲಿಲ್ಲದೇ ಇರಲಿ ಹಾವಿಗೆ ಹಾಲು ಎರೆಯಲೇಬೇಕು ಎಂದು ಶೋಭಾ ಕರಂದ್ಲಾಜೆಗೆ ಟಾಂಗ್​ ಕೊಟ್ಟಿದ್ದಾರೆ.