ಮೂಡುಬಿದಿರೆ: ಬೈಕ್ ನಿಂದ ಬಿದ್ದ ವಿದ್ಯಾರ್ಥಿಯ ಮೇಲೆ ಚಲಿಸಿದ ಬಸ್, ಸ್ಥಳದಲ್ಲೇ ದಾರುಣ ಸಾವು

•   Wed, Oct 17 2018 11:39:41 PM



• ಮೂಡುಬಿದಿರೆ, ಅ 17(SM): ಬೈಕಿನಲ್ಲಿ ಕಾಲೇಜಿನಿಂದ ಮನೆಯತ್ತ ತೆರಳುತ್ತಿದ್ದ ವಿದ್ಯಾರ್ಥಿಯೋರ್ವ ಬೈಕ್ ಸ್ಕಿಡ್ ಆಗಿ ರಸ್ತೆಗೆ ಬಿದ್ದ ಸಂದರ್ಭ ಆತನ ಮೇಲೆ ಬಸ್ ಚಲಿಸಿ ಮೃತಪಟ್ಟ ದುರ್ಘಟನೆ ಮೂಡುಬಿದಿರೆ ರಾ.ಹೆ.169ರ ಮಿಜಾರಿನಲ್ಲಿ ಬುಧವಾರ ಸಂಜೆ ನಡೆದಿದೆ. ಮಿಜಾರು ದಡ್ಡಿ ನಿವಾಸಿ ಸೀತಾರಾಮ ಗೌಡರ ಪುತ್ರ ಮೋಹಿತ್(19)ಮೃತ ವಿದ್ಯಾರ್ಥಿ.

  

  ಡಿಪ್ಲೊಮಾ ವಿದ್ಯಾರ್ಥಿಯಾಗಿದ್ದ ಮೋಹಿತ್ ತನ್ನ ಸ್ನೇಹಿತನೊಂದಿಗೆ ಕಾಲೇಜು ಮುಗಿಸಿ ಬೈಕ್ ನಲ್ಲಿ ಮನೆಯತ್ತ ತೆರಳುತ್ತಿದ್ದ. ಈ ಸಂದರ್ಭ ಮಿಜಾರಿನಲ್ಲಿ ರಸ್ತೆಯಲ್ಲಿದ್ದ ಕೆಸರಿನಿಂದಾಗಿ ಬೈಕ್ ಸ್ಕಿಡ್ ಆಗಿದೆ. ಪರಿಣಾಮ ಮೋಹಿತ್ ರಸ್ತೆಗೆ ಎಸೆಯಲ್ಪಟ್ಟಿದ್ದಾನೆ.ಅದೇ ಸಂದರ್ಭ ಎದುರಿನಿಂದ ಮೂಡುಬಿದಿರೆಯತ್ತ ಬರುತ್ತಿದ್ದ ಖಾಸಗಿ ಬಸ್ ಆತನ ಮೇಲೆ ಚಲಿಸಿದೆ. ಪರಿಣಾಮ ಮೋಹಿತ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

  ಇನ್ನು ಬೈಕ್ ನಲ್ಲಿದ್ದ ಸಹಸವಾರ ರಿಶಬ್ ಅಪಾಯದಿಂದ ಪಾರಾಗಿದ್ದಾರೆ. ಮೋಹಿತ್ ಭಗತ್‌ಸೇನೆಯ ಸಕ್ರಿಯ ಕಾರ್ಯಕರ್ತರಾಗಿದ್ದರು ಎಂದು ತಿಳಿದು ಬಂದಿದೆ.

  ಘಟನೆಯ ಕುರಿತಂತೆ ಮೂಡುಬಿದಿರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.