ಮಂಗಳೂರು: ಬಾವಿಗೆ ಬಿದ್ದಿದ್ದ ಬೆಕ್ಕಿನ ಪ್ರಾಣ ಉಳಿಸಿದ ಮಹಿಳೆ

•   Mon, Aug 09 2021 05:03:11 PM



• ಮಂಗಳೂರು, ಆ 09 (DaijiworldNews/PY): ಮಂಗಳೂರಿನ ಕಾಸಿಯಾ ಹೈಸ್ಕೂಲ್‌‌‌‌‌‌‌ ಸಮೀಪ ಬೆಕ್ಕಿನ ಮರಿಯೊಂದು ಬಾವಿಗೆ ಬಿದ್ದಿದ್ದು, ಮಹಿಳೆ ರಜನಿ ಶೆಟ್ಟಿ ಅವರು ಬಾವಿಗಿಳಿದು ಬೆಕ್ಕನ್ನು ರಕ್ಷಿಸಿದ್ದಾರೆ.

  

  ಪತಿ ದಾಮೋದರ ಶೆಟ್ಟಿ ಅವರೊಂದಿಗೆ ಸ್ಥಳಕ್ಕೆ ಬಂದ ರಜನಿ ಶೆಟ್ಟಿ ಹಗ್ಗದ ಮೂಲಕ ಬಾವಿಗೆ ಇಳಿದು ಬೆಕ್ಕಿನ ಮರಿಯನ್ನು ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಹಿಂದೆ ಲಾಕ್‌ಡೌನ್‌‌ ಇದ್ದ ಸಂದರ್ಭ ಬೃಹತ್‌ ಬಾವಿಗೆ ಬಿದ್ದಿದ್ದ ನಾಯಿಯನ್ನೂ ರಜನಿ ಶೆಟ್ಟಿ ಅವರು ರಕ್ಷಿಸಿದ್ದಾರೆ.

  ರಜನಿ ಹಾಗೂ ಅವರ ಕುಟುಂಬದವರು ಕಳೆದ ಹಲವು ವರ್ಷಗಳಿಂದ ನೂರಾರು ನಾಯಿಗಳಿಗೆ ಆಹಾರ ಹಾಕುತ್ತಾರೆ. ಪ್ರತಿದಿನ 50 ಕೆ.ಜಿ ಅನ್ನವನ್ನು ನಾಯಿಗಳಿಗೆ ಉಣಬಡಿಸಲು ಬಳಸುತ್ತಾರೆ. ವಾಹನಕ್ಕೆ ಸಿಲುಕಿಯೋ ಅಥವಾ ಯಾವುದೇ ಕಾರಣದಿಂದ ಗಾಯಗೊಂಡ ನಾಯಿ, ಬೆಕ್ಕು, ಹಕ್ಕಿ ಇತ್ಯಾದಿಗಳನ್ನು ತಮ್ಮ ಮನೆಯಲ್ಲಿ ಜಾಗವಿಲ್ಲದಿದ್ದರೂ ಸಾಕುತ್ತಿದ್ದಾರೆ.