ದೇವರಂತಿರುವ ಮುಖ್ಯಮಂತ್ರಿಗಳು ಬೇಕೇ ವಿನಾಃ ಮಹಿಷಾಸುರನಂಥವರಲ್ಲ -ನಟಿ ತಾರಾ

•   Mon, Oct 29 2018 12:26:02 PM



• ಬಾಗಲಕೋಟೆ, ಅ 29(MSP): ನಮ್ಮ ರಾಜ್ಯಕ್ಕೆ ದೇವರಂತಿರುವ ಮುಖ್ಯಮಂತ್ರಿಗಳು ಬೇಕು ಅದು ಬಿಟ್ಟು ಮಹಿಷಾಸುರನಂಥವರಲ್ಲ ಎಂದು ವಿಧಾನ ಪರಿಷತ್ ಸದಸ್ಯೆ, ಚಿತ್ರತಾರೆ ತಾರಾ ಹೇಳಿದ್ದಾರೆ.

  

  ಬಾಗಲಕೋಟೆಯ ಜಮಖಂಡಿಯ ಬಸವ ಭವನದಲ್ಲಿ ನಡೆದ ಬಿಜೆಪಿ ಮಹಿಳಾ ಸಮಾವೇಶದ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ಮಾತನಾಡಿದ ತಾರಾ, ಈ ಹಿಂದೆ ಬಿ.ಎಸ್.ಯಡಿಯೂರಪ್ಪ ರಾಜ್ಯದ ಮುಖ್ಯಮಂತ್ರಿ ಆಗಿ ಉತ್ತಮ ಕೆಲಸಗಳನ್ನು ಮಾಡಿದ್ದಾರೆ ಎಂದು ಅವರ ಅವಧಿಯಲ್ಲಿ ಮಾಡಿದ ಕೆಲಸಗಳನ್ನು ಉಲ್ಲೇಖಿಸಿ ಕೊಂಡಾಡಿದರು. ಯಡಿಯೂರಪ್ಪ ಶ್ರೀಮಂತ- ಬಡವ, ಜಾತಿ-ಧರ್ಮ, ಮಠ- ಮಸೀದಿ ಎಂದು ಬೇಧಭಾವ ಮಾಡದೇ ಎಲ್ಲರಿಗೂ ಸಮಪಾಲು ಸಮಬಾಳು ಅನ್ನುವಂಥ ಆಡಳಿತ ನೀಡಿದ್ದಾರೆ. ಈ ವಿಚಾರದಲ್ಲಿ ಬಿ.ಎಸ್.ಯಡಿಯೂರಪ್ಪ ನಿಜಕ್ಕೂ ಕೂಡಾ ದೇವರಂತಹ ಮುಖ್ಯಮಂತ್ರಿ . ಇವರನ್ನು ಬಿಟ್ಟು ಸಿಎಂ ಸ್ಥಾನದಲ್ಲಿ ಇತರರನ್ನು ನೋಡಲು ಕಷ್ಟ ಸಾಧ್ಯ. ನಮಗೆ ದೇವ ಗುಣ ಇರುವ ಸಿಎಂ ಬೇಕೆ ಹೊರತೂ ಮಹಿಷಾಸುರನಂಥವರಲ್ಲ ಅಂತಾ ಪರೋಕ್ಷವಾಗಿ ಸಿಎಂ ಕುಮಾರಸ್ವಾಮಿಗೆ ಟಾಂಗ್ ನೀಡಿದ್ದಾರೆ.