ಮಂಗಳೂರು: ಅಫ್ಘಾನಿಸ್ತಾನದಿಂದ ಐವರು ಕರಾವಳಿಗರು ಸ್ವದೇಶಕ್ಕೆ

•   Mon, Aug 23 2021 09:51:24 AM



• ಮಂಗಳೂರು, ಆ 23(DaijiworldNews/MS): ತಾಲಿಬಾನಿಗರ ಕಪಿಮುಷ್ಟಿಯಿಂದ ನಲುಗಿರುವ ಅಫ್ಘಾನಿಸ್ತಾನದಲ್ಲಿ ಸಿಲುಕಿರುವ ಭಾರತೀಯ ನಾಗರಿಕರನ್ನು ಪಾರು ಮಾಡುವಲ್ಲಿ ಸರ್ಕಾರ ಯಶಸ್ವಿಯಾಗಿದೆ. 392 ಮಂದಿ ಭಾರತೀಯರನ್ನು ಸ್ವದೇಶಕ್ಕೆ ಕರೆತರುವಲ್ಲಿ ಭಾರತ ಸರ್ಕಾರ ಸಫಲವಾಗಿದೆ.

  

  ಆಗಸ್ಟ್ 22 ಭಾನುವಾರ ತಾಯ್ನಾಡಿಗೆ ಮರಳಿದ ಏಳು ಕನ್ನಡಿಗರಲ್ಲಿ ಐವರು ಮಂಗಳೂರಿನರಾಗಿದ್ದಾರೆ. ಬಜ್ಪೆಯಿಂದ ದಿನೇಶ್ ರೈ, ಮೂಡುಬಿದಿರೆ ಬಳಿಯ ಹೊಸಂಗಡಿಯ ಜಗದೀಶ್ ಪೂಜಾರಿ, ಕಿನ್ನಿಗೋಳಿ ಪಕ್ಷಿಕೆರೆಯಿಂದ ಡೆಸ್ಮಂಡ್ ಡೇವಿಸ್ ಡಿಸೋಜಾ, ತೊಕ್ಕೊಟ್ಟುವಿನಿಂದ ಪ್ರಸಾದ್ ಆನಂದ್ ಮತ್ತು ಉರ್ವದಿಂದ ಶ್ರವಣ್ ಅಂಚನ್ ಅವರನ್ನು ಭಾನುವಾರ ಅಫ್ಘಾನಿಸ್ತಾನದಿಂದ ವಿಮಾನದಲ್ಲಿ ಕರೆತರಲಾಯಿತು. ಮತ್ತಿಬ್ಬರು, ಮಾರತಹಳ್ಳಿಯ ಬೆಂಗಳೂರಿನ ಹೀರಕ್ ದೇಬ್ ನಾಥ್ ಮತ್ತು ಬಳ್ಳಾರಿಯ ತನ್ವೀರ್ ಅಬ್ದುಲ್ ಕೂಡ ಭಾನುವಾರ ನವದೆಹಲಿಗೆ ತಲುಪಿದರು.

  ಅವರು ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನ ಮತ್ತು ಭಾರತೀಯ ವಾಯುಪಡೆಯ ವಿಮಾನದಲ್ಲಿ ಹಿಂತಿರುಗಿದರು. ಅವರನ್ನು ಇಲ್ಲಿಗೆ ಕರೆತರುವ ಮೊದಲು ಅವರನ್ನು ಅಫ್ಘಾನಿಸ್ತಾನದಿಂದ ಕತಾರ್‌ಗೆ ಕರೆದೊಯ್ಯಲಾಯಿತು. ಅವರು ಸೋಮವಾರ ತಮ್ಮ ಮನೆಗಳನ್ನು ತಲುಪುವ ನಿರೀಕ್ಷೆಯಿದೆ