ಮಂಗಳೂರು: ದುಷ್ಕರ್ಮಿಗಳಿಂದ ಯುವಕನಿಗೆ ಚೂರಿ ಇರಿತ

•   Mon, Oct 29 2018 08:44:38 PM



• ಮಂಗಳೂರು, ಅ 29(SM): ಮಂಗಳೂರಿನ ಹೊರ ವಲಯದ ಬಜಪೆ ಭಟ್ರಕೆರೆ ಪಡೀಲ್ ನಲ್ಲಿ ಯುವಕನೋರ್ವನಿಗೆ ತಂಡವೊಂದು ಚೂರಿಯಿಂದ ಇರಿದು ಹತ್ಯೆಗೆ ಯತ್ನಿಸಿದೆ. ಪಡೀಲ್ ನಿವಾಸಿ ಶರೀಫ್ ಅವರ ಪುತ್ರ ಶಾಹೀಕ್(19) ಇರಿತಕ್ಕೊಳಗಾದ ಯುವಕ.

  

  

  ಶಾಹೀಕ್ ತಮ್ಮ ಅಂಗಡಿ ಬಳಿ ನಿಂತಿದ್ದ ಸಂದರ್ಭ ಬಂದಂತಹ ಇಬ್ಬರು ದುಷ್ಕರ್ಮಿಗಳು ಚೂರಿಯಿಂದ ಇರಿದು ಪರಾರಿಯಾಗಿದ್ದಾರೆ. ಇರಿತಕ್ಕೊಳಗಾದ ಶಾಹೀಕ್ ರನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆಯಲ್ಲಿ ಶಾಹೀಕ್ ಅವರ ಮುಖ ಹಾಗೂ ಕುತ್ತಿಗೆಯ ಭಾಗಕ್ಕೆ ಗಾಯಗಳಾಗಿವೆ. ಆದರೆ ಯಾವ ಕಾರಣಕ್ಕೆ ಚೂರಿ ಇರಿಯಲಾಗಿದೆ ಎಂಬುದು ತಿಳಿದು ಬಂದಿಲ್ಲ.

  ಈ ಬಗ್ಗೆ ಬಜಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.