ಮೂಲ್ಕಿ : ಪೈಪ್ ಉರುಳಿಬಿದ್ದು ಮಗು ಸಾವು

•   Thu, Sep 02 2021 08:35:09 AM



• ಮೂಲ್ಕಿ, ಸೆ.2 (DaijiworldNews/MS): ಇಲ್ಲಿನ ಕಾರ್ನಾಡು ಸದಾಶಿವ ನಗರದ ಆಶ್ರಯ ಕಾಲನಿ ಬಳಿಯ ಸಿಮೆಂಟ್ ತಯಾರಿಕೆ ಘಟಕದ ಅವರಣದಲ್ಲಿ ಆಟವಾಡುತ್ತಿದ್ದ ಮಗುವಿನ ಮೇಲೆ ಪೈಪ್ ಉರುಳಿಬಿದ್ದು ಮಗು ಸಾವನ್ನಪ್ಪಿದ ಘಟನೆ ಆ. 31 ರ ಮಂಗಳವಾರ ಸಂಜೆ ನಡೆಸಿದೆ.

  

  ಲಿಂಗಪ್ಪಯ್ಯ ಕಾಡಿನ ನಿವಾಸಿ ರಾಮು ಎಂಬುವರ ಮಗ ಯುವರಾಜ (4) ಮೃತಪಟ್ಟ ಬಾಲಕ. ಲಿಂಗಪ್ಪಯ್ಯ ಈ ಘಟಕದಲ್ಲಿ ಕೂಲಿ ಕೆಲಸ ಮಾಡುತ್ತಿದ್ದರು. ದಾಸ್ತಾನು ಇರಿಸಿದ್ದ ಸಿಮೆಂಟ್ ಪೈಪ್ ಬಳಿ ಯುವರಾಜ ಇತರ ಮಕ್ಕಳೊಂದಿಗೆ ಆಟವಾಡುತ್ತಿದ್ದರು. ಈ ವೇಳೆ ಪೇರಿಸಿಟ್ಟಿದ್ದ ಪೈಪ್ ,ಮಗುವಿನ ಮೇಲೆ ಉರುಳಿಬಿದ್ದಾಗ ಇತರ ಮಕ್ಕಳು ಬೊಬ್ಬೆ ಹಾಕಿದ್ದಾರೆ.
  ತಕ್ಷಣ ಘಟಕದ ಸಿಬ್ಬಂದಿ ಧಾವಿಸಿ ಬಂದು ಮಗುವನ್ನು ಮುಕ್ಕದ ಆಸ್ಪತ್ರೆಗೆ ದಾಖಲಿಸಿದರೂ, ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದೆ. ಮೂಲ್ಕಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.