ಕುಂಬಳೆ: ಮಹಿಳೆಯರ ಮಧ್ಯೆ ಬುರ್ಖಾ ಧರಿಸಿ ಕುಳಿತಿದ್ದ ಯುವಕನ ಸೆರೆ

•   Sun, Nov 04 2018 12:04:52 PM



• ಕುಂಬಳೆ,ನ 04 (MSP): ಉರೂಸ್ ಕಾರ್ಯಕ್ರಮ ನಡೆಯುತ್ತಿದ್ದ ಸ್ಥಳದಲ್ಲಿ ಬುರ್ಕಾ ಧರಿಸಿ ಮಹಿಳೆಯರ ಮಧ್ಯೆ ಕುಳಿತಿದ್ದ, ಕಾಂಞ್ಂಗಾಡ್ ಕೊವ್ವಲ್ ಪಳ್ಳಿ ನಿವಾಸಿ ನೂರ್ ಮಂಜಿಲ್ ನ ಅಬ್ದುಲ್ ಶಹೀದ್ (30) ನನ್ನು ಪೊಲೀಸರು ಬಂಧಿಸಿದ್ದಾರೆ.

  

  ಸಾಂದರ್ಭಿಕ ಚಿತ್ರ

  ನ. 2 ರಂದು, ರಾತ್ರಿ 9 ಗಂಟೆಗೆ ಕುಂಬಳೆಯಲ್ಲಿ ಉರೂಸ್ ಕಾರ್ಯಕ್ರಮ ನಡೆಯುತ್ತಿತ್ತು. ಮಹಿಳೆಯರ ಮದ್ಯೆ ಕುಳಿತುಕೊಂಡಿದ್ದ ಈತನ ಚಲನವಲನ ಬಗ್ಗೆ ಸಂಶಯಗೊಂಡ ಬಗ್ಗೆ ಸಂಶಯಗೊಂಡ ಮಹಿಳಾ ವಲಂಟಿಯರ್ ಗಳು , ಪುರುಷ ಸ್ವಯಂ ಸೇವಕರಿಗೆ ವಿಷಯ ರವಾನಿಸಿದರು. ಅವರ ಸಲಹೆಯಂತೆ ಮಹಿಳಾ ಸ್ವಯಂ ಸೇವಕರೇ ಈ ವ್ಯಕ್ತಿ ಬಳಿಗೆ ಬಂದು ಪರಿಶೀಲಿಸಿದರು. ಮುಖದಿಂದ ಬುರ್ಖಾ ಸರಿಸಿದಾಗ ಆತ ಮಹಿಳಾ ವೇಷಧಾರಿಯಾಗಿದ್ದ ಗಂಡಸು ಎಂದು ಬಯಲಾಯಿತು.

  ಕೂಡಲೇ ಆತ ಸ್ಥಳದಿಂದ ಪರಾರಿಯಾಗಲೆತ್ನಿಸಿದಾಗ ಆತನನ್ನು ಬೆನ್ನಟ್ಟಿ ಕುಂಬಳೆ ರೈಲು ನಿಲ್ಡಾಣ ಪರಿಸರದಿಂದ ಸೆರೆ ಹಿಡಿದರು. ಪ್ಯಾಂಟ್ , ಶರ್ಟಿನ ಮೇಲೆ ಆತ ಬುರ್ಖಾ ಧರಿಸಿದ್ದ ಈತನನ್ನು ಬಳಿಕ ಪೊಲೀಸರಿಗೆ ಹಸ್ತಾಂತರಿಸಲಾಯಿತು. ಇದೀಗ ಪೊಲೀಸರು ಇದೇ ರೀತಿಯ ಪ್ರಕರಣದಲ್ಲಿ ಬೇರೆಲ್ಲೆಡೆ ಎಲ್ಲಾದರೂ ಶಾಮೀಲಾಗಿದ್ದಾನೆಯೇ ಎಂದು ಈತನನ್ನು ತನಿಖೆ ನಡೆಸುತ್ತಿದ್ದಾರೆ.