ಬೈಂದೂರು: ನೈಟ್ ರೌಂಡ್ಸ್ ಗೆ ಬೈಕ್ ನಲ್ಲಿ ತೆರೆಳುತ್ತಿದ್ದ ವೇಳೆ ಅಪಘಾತ - ಕಾನ್ ಸ್ಟೇಬಲ್ ದುರ್ಮರಣ

•   Thu, Nov 15 2018 10:36:51 AM



• ಬೈಂದೂರು, ನ 15(MSP): ಉಡುಪಿ ಜಿಲ್ಲೆಯ ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಬೈಂದೂರು ಠಾಣೆಯ ಪೊಲೀಸ್ ಕಾನ್ ಸ್ಟೇಬಲ್ ಮೃತಪಟ್ಟ ಘಟನೆ ನಡೆದಿದೆ. ನಾಗೇಶ್ ಬಿಲ್ಲವ ಮೃತಪಟ್ಟ ದುರ್ದೈವಿ.ರಾತ್ರಿ ಒಂದೂವರೆ ಸುಮಾರಿಗೆ ನೈಟ್ ರೌಂಡ್ಸ್ ನಲ್ಲಿದ್ದ ನಾಗೇಶ್ , ಬೈಕ್ ನಲ್ಲಿ ತೆರಳುತ್ತಿದ್ದಾಗ ಈ ದುರ್ಘಟನೆ ಸಂಭವಿಸಿದೆ.

  

  

  

  ರಾಷ್ಟ್ರೀಯ ಹೆದ್ದಾರಿ ಕಂಬದಕೋಣಿ ಬಳಿ ರಸ್ತೆಬದಿಯಲ್ಲಿ ನಿಂತಿದ್ದ ಲಾರಿಗೆ ಬೈಕ್ ಢಿಕ್ಕಿ ಹೊಡೆದಿದೆ.ಢಿಕ್ಕಿ ಹೊಡೆದ ರಭಸಕ್ಕೆ ತೀವ್ರ ರಕ್ತಸ್ರಾವವಾಗಿ ನಾಗೇಶ್ ಮೃತಪಟ್ಟಿದ್ದಾರೆ.ಬೈಂದೂರು ಠಾಣೆಯ ಸಿಬ್ಬಂದಿ‌ ಸ್ಥಳಕ್ಕೆ ಆಗಮಿಸಿ ಅಗತ್ಯ ಕ್ರಮ‌ ಕೈಗೊಂಡಿದ್ದಾರೆ. ನಾಗೇಶ್‌ ಬಿಲ್ಲವ ಅವರು ಐದು ತಿಂಗಳ ಹಿಂದೆಯಷ್ಟೆ ವಿವಾಹವಾಗಿದ್ದರು..ಬೆಳಿಗ್ಗೆ ಎಸ್ಪಿ ಲಕ್ಷ್ಮಣ ನಿಂಬರಗಿ‌ ಸ್ಥಳಕ್ಕೆ ದೌಡಾಯಿಸಿದ್ದು ,ಮರಣೋತ್ತರ ಪರೀಕ್ಷೆ ಮತ್ತು ಕುಟುಂಬಕ್ಕೆ ಮೃತ ಶರೀರವನ್ನು‌ ಹಸ್ತಾಂತರಿಸುವ ಪ್ರಕ್ರಿಯೆಯ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ.