ಸೇನಾ ಡಿಪೋದಲ್ಲಿ ಭೀಕರ ಸ್ಫೋಟ - ನಾಲ್ವರ ಸಾವು

•   Tue, Nov 20 2018 11:19:30 AM



• ನಾಗಪುರ, ನ 20(MSP): ಮಹಾರಾಷ್ಟ್ರದಲ್ಲಿರುವ ನಾಗಪುರದ ಪುಲ್‌ಗಾಂವ್‌ ಸೇನಾ ಡಿಪೋದಲ್ಲಿ ಮಂಗಳವಾರ ಬೆಳಗ್ಗೆ ಭೀಕರ ಸ್ಫೋಟ ಸಂಭವಿಸಿದ್ದು ನಾಲ್ವರು ಸಾವನ್ನಪ್ಪಿದ್ದು , ಹಲವರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಸೇನಾ ಮೂಲಗಳು ತಿಳಿಸಿವೆ.

  

  ಪ್ರಾಥಮಿಕ ವರದಿಯಂತೆ ಹಳೆಯ ಶಸ್ತ್ರಾಸ್ತ್ರಗಳನ್ನು ತೆರವು ಗೊಳಿಸುವ ವೇಳೆಯಲ್ಲಿ ಸ್ಫೋಟ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ಓರ್ವ ಸೇನಾ ಸಿಬ್ಬಂದಿ ಗ್ರಾಮಸ್ಥರ ನೆರವಿನೊಂದಿಗೆ 23 ಎಂಎಂ ಫಿರಂಗಿಗಳನ್ನು ವಿಲೇವಾರಿಗಾಗಿ ವಿಶಾಲ ಮೈದಾನಕ್ಕೆ ಕೊಂಡೊಯ್ದು ಬಳಿಕ ಅಲ್ಲಿಂದ ಕೆಳಕ್ಕೆ ಇಳಿಸುತ್ತಿರುವಾ ಈ ಸ್ಪೋಟ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ

  ಮೃತರು ಮತ್ತು ಗಾಯಾಳುಗಳುಗಳು ಸೇನಾ ಸಿಬ್ಬಂದಿಗಳು ಎಂದು ವರದಿಯಾಗಿದೆ. ಇವರನ್ನು ಸವಂಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.