ಮಂಗಳೂರು: ವಿಧಾನ ಪರಿಷತ್‌ ಚುನಾವಣೆ - ಬಿಜೆಪಿಯಿಂದ ಕೋಟ, ಕಾಂಗ್ರೆಸ್‌ನಿಂದ ಯಾರು?

•   Mon, Nov 15 2021 12:09:39 PM



• ಮಂಗಳೂರು, ನ.15 (DaijiworldNews/PY): ಸ್ಥಳೀಯ ಸಂಸ್ಥೆಗಳಿಂದ ವಿಧಾನ ಪರಿಷತ್‌ಗೆ ನಡೆಯುವ ದ.ಕ - ಉಡುಪಿ ಕ್ಷೇತ್ರ ಕ್ಷೇತ್ರ ಬ್ಬರು ವಿಧಾನ ಪರಿಷತ್‌ ಸದಸ್ಯರು ಆಯ್ಕೆಯಾಗಬೇಕಾಗಿದ್ದು, ಬಿಜೆಪಿಯಿಂದ ಹಾಲಿ ವಿಧಾನ ಪರಿಷತ್‌‌‌‌ ಸದಸ್ಯ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಅವರು ಮತ್ತೆ ಅಭ್ಯರ್ಥಿಯಾಗುವುದು ಬಹುತೇಕ ಖಚಿತವಾದಂತಿದೆ. ಕಾಂಗ್ರೆಸ್‌ನಿಂದ ಇನ್ನು ಅಭ್ಯರ್ಥಿಗಳು ಅಂತಿಮವಾದಂತಿಲ್ಲ.

  ಕಾಂಗ್ರೆಸ್‌ ಅಭ್ಯರ್ಥಿತನ ಬಯಸಿ ಐವನ್‌ ಡಿಸೋಜಾ, ಕಾವು ಹೇಮನಾಥ ಶೆಟ್ಟಿ, ಶ್ಯಾಮಲಾ ಭಂಡಾರಿ, ಮಂಜುನಾಥ ಭಂಡಾರಿ, ಶಶಿಧರ್‌ ಹೆಗ್ಡೆ, ಪಿ ವಿ ಮೋಹನ್‌ ಸೇರಿದಂತೆ 11 ಮಂದಿ ಮುಂಚೂಣಿಯಲ್ಲಿದ್ದಾರೆ. ಈ ನಡುವೆ ಹಾಲಿ ಸದಸ್ಯ ಪ್ರತಾಪ ಚಂದ್ರ ಶೆಟ್ಟಿ ಅವರು ಸ್ಪರ್ಧಾಕಾಂಕ್ಷಿಯಲ್ಲ ಎಂಬ ಸುದ್ದಿ ಹರಿದಾಡುತ್ತಿದೆ.

  ಈ ನಡುವೆ ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ ಅಧ್ಯಕ್ಷ ಡಾ. ಎಂ ಎನ್‌‌‌ ರಾಜೇಂದ್ರ ಕುಮಾರ್‌ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಲು ತೀರ್ಮಾನ ಮಾಡಿರುವುದು ಜಿಲ್ಲೆಯ ರಾಜಕೀಯ ರಂಗದಲ್ಲಿ ಸಂಚಲನ ಮೂಡಲು ಕಾರಣವಾಗಿದೆ.

  ದ.ಕ.ದಲ್ಲಿ 3,397 ಹಾಗೂ ಉಡುಪಿ ಜಿಲ್ಲೆಯಲ್ಲಿ 2,517 ಹೀಗೆ ಒಟ್ಟು 5,914 ಮತದಾರರು ಇದ್ದಾರೆ. ಈ ಪೈಕಿ ಸುಮಾರು 3,500 ಮಂದಿ ಬಿಜೆಪಿ ಹಾಗೂ 2,100 ಮಂದಿ ಕಾಂಗ್ರೆಸ್‌ನವರು ಎಂದು ಅಂದಾಜಿಸಲಾಗಿದೆ. ಜೆಡಿಎಸ್‌ ಬೆಂಬಲಿಗರು, ಎಸ್‌ಡಿಪಿಐ, ಪಕ್ಷೇತರ ಹೀಗೆ ಸುಮಾರು 400-500 ಮಂದಿ ಇರಬಹುದು ಎಂದು ಹೇಳಲಾಗುತ್ತಿದೆ. ಓರ್ವ ಅಭ್ಯರ್ಥಿ ಪ್ರಥಮ ಪ್ರಾಶಸ್ತ್ಯದಲ್ಲಿ ಜಯಗಳಿಸಬೇಕಾದರೆ 2,200 ಮಗತಳ ಅವಶ್ಯಕೆ ಇದೆ. ಆ ದೃಷ್ಟಿಯಲ್ಲಿ ಬಿಜೆಪಿಯ ಒಬ್ಬರು ಅನಾಯಾಸವಾಗಿ ಗೆಲ್ಲುತ್ತಾರೆ. ಆದರೆ, ಇನ್ನೊಬ್ಬರನ್ನು ಗೆಲ್ಲಿಸಿಕೊಳ್ಳುವಷ್ಟು ಮತಗಳು ಬಿಜೆಪಿಯಲ್ಲಿ ಇಲ್ಲ. ಕಾಂಗ್ರೆಸ್ ಅಭ್ಯರ್ಥಿಯಾಗುವವರಿಗೆ ಪ್ರಥಮ ಪ್ರಾಶಸ್ತ್ಯದ ಮತ ಪಡೆದು ಗೆಲ್ಲುವಷ್ಟು ಮತಗಳು ಇಲ್ಲ. ರಾಜೇಂದ್ರ ಕುಮಾರ್‌ ಅವರು ಪ್ರಬಲ ಪಕ್ಷೇತರ ಅಭ್ಯರ್ಥಿಯಾಗಿರುವ ಕಾರಣ ಅವರು ಮತ ಸೆಳೆಯುವ ಕಾರ್ಯತಂತ್ರವನ್ನು ರೂಪಿಸುತ್ತಾರೆ ಎಂಬ ಮಾತುಗಳು ಕೇಳಿಬರುತ್ತಿದೆ.