ಕಾಸರಗೋಡು: ಶಾಲಾ ವಾಹನಕ್ಕೆ ಲಾರಿ ಡಿಕ್ಕಿ-ಚಾಲಕ ದಾರುಣ ಸಾವು, ಐವರು ಪುಟಾಣಿಗಳಿಗೆ ಗಾಯ

•   Wed, Nov 21 2018 07:49:36 PM



• ಕಾಸರಗೋಡು, ನ 21(SM): ಶಾಲಾ ಮಕ್ಕಳನ್ನು ಕರೆದೊಯ್ಯುತ್ತಿದ್ದ ಆಟೋ ರಿಕ್ಷಾಕ್ಕೆ ಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮ ಆಟೋ ಚಾಲಕ ಮೃತಪಟ್ಟು, ಐವರು ವಿದ್ಯಾರ್ಥಿಗಳು ಗಾಯಗೊಂಡ ಘಟನೆ ಇಂದು ಬೆಳಗ್ಗೆ ಕಾಸರಗೋಡಿನ ಕುನಿಯ ಎಂಬಲ್ಲಿ ನಡೆದಿದೆ.

  

  ಮೃತಪಟ್ಟವರನ್ನು ಆಟೋ ರಿಕ್ಷಾ ಚಾಲಕ ಪೆರಿಯಾಟಡ್ಕದ ತೆಂಡೋಲಿಯ ಅನ್ಸಾರ್ ಎಂದು ಗುರುತಿಸಲಾಗಿದೆ. ಇಂದು ಪೂರ್ವಾಹ್ನ 11 ಗಂಟೆಗೆ ರಾಷ್ಟ್ರೀಯ ಹೆದ್ದಾರಿಯ ಕುನಿಯ ಎಂಬಲ್ಲಿ ಅಪಘಾತ ನಡೆದಿದೆ. ಶಾಲೆಗೆ ಮಕ್ಕಳನ್ನು ಕರೆದೊಯ್ಯುತ್ತಿದ್ದಾಗ ಪುಣೆಯಿಂದ ಜೆಸಿಬಿ ಯಂತ್ರ ಹೇರಿಕೊಂಡು ತೆರಳುತ್ತಿದ್ದ ಲಾರಿ ಡಿಕ್ಕಿ ಹೊಡೆದು ಈ ಅಪಘಾತ ಸಂಭವಿಸಿದೆ.

  ಗಾಯಗೊಂಡವರನ್ನು ಫಾತಿಮ್ಮತ್ ಸೈದಾ, ರುಬೀನಾ ಮುಹಮ್ಮದ್, ಸಿಯಾನ್, ಖದೀಜತ್ ಆಸ್ನಾ ಎಂಬವರ ಸಹಿತ ಐವರನ್ನು ನಗರದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಪಘಾತದಿಂದ ಆಟೋ ರಿಕ್ಷಾ ನಜ್ಜುಗುಜ್ಜಾಗಿದೆ. ವಿದ್ಯಾನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.