ಕರಾವಳಿಯಲ್ಲಿ ನಡೆದ ಮೊದಲ ಕಂಬಳದಲ್ಲಿ ಹಿರಿಯ ನಟ ಅಂಬರೀಶ್‌ಗೆ ಶ್ರದ್ಧಾಂಜಲಿ

•   Mon, Nov 26 2018 11:02:34 AM



• ಬಂಟ್ವಾಳ, ನ26(SS): ಕಳೆದ ಕೆಲವು ದಿನಗಳಿಂದ ಕಿಡ್ನಿ ಹಾಗೂ ಶ್ವಾಸಕೋಶ ಸಮಸ್ಯೆಯಿಂದ ಬಳಲುತ್ತಿದ್ದ ಸ್ಯಾಂಡಲ್ ವುಡ್ ರೆಬಲ್ ಸ್ಟಾರ್, ಕಲಿಯುಗ ಕರ್ಣ ಅಂಬರೀಶ್  ಅನಾರೋಗ್ಯದಿಂದ ಶನಿವಾರ ನಿಧನರಾಗಿದ್ದಾರೆ. ವಿಧಿವಶರಾದ ಹಿರಿಯ ನಟನಿಗೆ ಕರಾವಳಿಯಲ್ಲಿ ನಡೆದ ಮೊದಲ ಕಂಬಳದಲ್ಲಿ ಶ್ರದ್ಧಾಂಜಲಿ ಅರ್ಪಿಸಲಾಗಿದೆ.

  

  ಕರಾವಳಿಯ ಈ ವರ್ಷದ ಮೊದಲ ಕಂಬಳ ಬಂಟ್ವಾಳದ 'ಕಕ್ಯಪದವಿನ ಸತ್ಯ ಧರ್ಮ ಜೋಡುಕರೆ'ಯಲ್ಲಿ ಆರಂಭವಾಗಿತ್ತು. ಆರಂಭವಾದ ಮೊದಲ ಕಂಬಳದ ದಿನವೇ ಅಂಬರೀಶ್ ಅಗಲಿದ್ದರು. ಹೀಗಾಗಿ ಅಂಬರೀಶ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಮಾತ್ರವಲ್ಲ, ಅಂಬರೀಷ್ ಅವರ ಆತ್ಮಕ್ಕೆ ಚಿರಶಾಂತಿ ಕೋರಿ ಮೌನ ಪ್ರಾರ್ಥನೆ ಕೋರಲಾಯಿತು.

  ಮೈರ ಬರ್ಕೆಜಾಲು ಎಂಬಲ್ಲಿ ನಡೆಯುವ 6ನೇ ವರ್ಷದ ಸತ್ಯ-ಧರ್ಮ ಜೋಡುಕೆರೆ ಕಂಬಳಕ್ಕೆ ಕಂಬಳದ ಗೌರವಾಧ್ಯಕ್ಷ ಉಳಿಪಾಡಿಗುತ್ತು ರಾಜೇಶ್ ನಾಯ್ಕ್ ಇವರ ನೇತೃತ್ವದಲ್ಲಿ ಚಾಲನೆ ನೀಡಲಾಗಿತ್ತು. ದಕ್ಷಿಣ ಕನ್ನಡ ಜಿಲ್ಲಾ ಕಂಬಳ ಸಮಿತಿ ಸಹಕಾರದೊಂದಿಗೆ ಬಹಳ ವಿಜೃಂಭಣೆಯಿಂದ ನಡೆದ ಕಂಬಳವನ್ನು ಸುಂದರ ಪೂಜಾರಿ ಕೊರೆಂಜಿಕೊಡಿ ಉದ್ಘಾಟಿಸಿದ್ದರು. ಈ ವೇಳೆ ವಿಧಿವಶರಾದ ಹಿರಿಯ ನಟನಿಗೆ ಕರಾವಳಿಯಲ್ಲಿ ನಡೆದ ಮೊದಲ ಕಂಬಳದಲ್ಲಿ ಶ್ರದ್ಧಾಂಜಲಿ ಅರ್ಪಿಸಲಾಗಿದೆ.