ಬಜ್ಪೆ: ತಲೆಗೆ ಕಲ್ಲು ಎತ್ತಿ ಹಾಕಿ ಸ್ನೇಹಿತನ ಕೊಲೆ - ಆರೋಪಿಯ ಬಂಧನ

•   Thu, Nov 29 2018 09:49:03 AM



• ಬಜ್ಪೆ, ನ 29 (MSP): ಕೊಳಂಬೆ ಗ್ರಾಮದ ಸೌಹಾರ್ಧಯುತನಗರದ ಸ್ಕೈಬ್ಲ್ಯೂ ಸೈಟ್‌ನಲ್ಲಿ ಕಂಠ ಪೂರ್ತಿ ಮದ್ಯ ಸೇವಿಸಿದ ಗೆಳೆಯ ರಿಬ್ಬರು ಮಾತಿಗೆ ಮಾತು ಬೆಳೆಸಿ, ಒಬ್ಬ ಮತ್ತೊಬ್ಬನನ್ನು ಕಲ್ಲಿನಿಂದ ಹೊಡೆದು ಸಾಯಿಸಿದ್ದಾನೆ.ಅರೋಪಿಯನ್ನು ಪೊಲೀಸರು ಬುಧವಾರ ಬಂಧಿಸಿದ್ದಾರೆ.

  

  ಈ ಇಬ್ಬರೂ ಒಡಿಸ್ಸಾ ಮೂಲದವರಾಗಿದ್ದು, ಬಜ್ಪೆ ಪೊಲೀಸರು ಆರೋಪಿ ಯುವಕನನ್ನು ಬಂಧಿಸಿ ಕೋರ್ಟಿಗೆ ಹಾಜರುಪಡಿಸಿದ್ದಾರೆ. ಈಶ್ವರ ಪ್ರಧಾನ್(24) ಕೊಲೆಯಾದ ಯುವಕ. ಮಿಥುನ್ ಪ್ರಧಾನ್(23) ಆರೋಪಿ.

  ಒಡಿಶಾದವರಾಗಿದ್ದ ಇವರಿಬ್ಬರೂ ಸ್ನೇಹಿತರಾಗಿದ್ದು, ಇಲ್ಲಿನ ಸ್ಕೈಬ್ಲ್ಯೂ ಸೈಟಿನಲ್ಲಿ ಕೆಲಸ ಮಾಡುತ್ತಿದ್ದರು. ನ.೨೭ ರ ಮಂಗಳವಾರ ಬಾರಿಗೆ ಹೋಗಿ ಮದ್ಯ ಸೇವಿಸಿದ್ದರು. ರಾತ್ರಿ ವೇಳೆ ಸೈಟಿನ ಶೆಡ್ಡಿಗೆ ಬಂದಿದ್ದ ಇಬ್ಬರು ಜಗಳ ಆರಂಭಿಸಿದ್ದರು. ಇವರನ್ನು ಸಮಾಧಾನಪಡಿಸಲು ನೆರೆಯವರು ಪ್ರಯತ್ನ ನಡೆಸಿ ವಿಫಲರಾಗಿದ್ದರು.

  ಜಗಳದ ಮಧ್ಯೆ ತೀವ್ರ ಕೋಪ ಗೊಂಡಿದ್ದ ಮಿಥುನ್ ಗೋಡೆ ಕಟ್ಟುವ ಕೆಂಪು ಕಲ್ಲನ್ನು ಎತ್ತಿ ಹಾಕಿದ್ದಾನೆ. ಗಾಯಗೊಂಡಿದ್ದ ಆತ ಸ್ಥಳದಲ್ಲೇ ಅಸುನೀಗಿದ್ದ. ಬೆಳಿಗ್ಗೆ ಸ್ಥಳೀಯ ವ್ಯಕ್ತಿ ಸಿದ್ದಯ್ಯ ಅರಳಾಪುರ ನೀಡಿದ ದೂರಿನಂತೆ ಪ್ರಕರಣ ದಾಖಲಿಸಿ ಆರೋಪಿಯ ಪತ್ತೆಗೆ ಪೊಲೀಸರು ಬಲೆ ಬೀಸಿದರು. ನ.28 ರಂದು ಮಿಥುನ್ ಪ್ರಧಾನ್ ನನ್ನು ಸುರತ್ಕಲ್ ರೈಲು ನಿಲ್ದಾಣ ಬಳಿಯಿಂದ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.