ಮಂಗಳೂರು: ಸೇರಾ ಕೇರ್ ಉಚಿತ ಆರೋಗ್ಯ ಥೆರಪಿ ಕೇಂದ್ರದ ವತಿಯಿಂದ ಹಾಜಬ್ಬರಿಗೆ ಸನ್ಮಾನ

•   Fri, Dec 17 2021 05:58:00 PM



• ಮಂಗಳೂರು, ಡಿ. 17 (DaijiworldNews/HR): ಜೆಪ್ಪು ಪ್ರದೇಶದಲ್ಲಿರುವ ಸೇರಾಕೇರ್ ಉಚಿತ ಆರೋಗ್ಯ ಥೆರಪಿ ಕೇಂದ್ರದ ವತಿಯಿಂದ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಹರೇಕಳ ಹಾಜಬ್ಬನವರನ್ನು ಸನ್ಮಾನಿಸಲಾಯಿತು.

  ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅವರು, "ಅನಾರೋಗ್ಯ ಪೀಡಿತರಿಗೆ ಉಚಿತ ಚಿಕಿತ್ಸೆ ನೀಡುತ್ತಿರುವ ಸೇರಾಕೇರ್ ಥೆರಪಿ ಕೇಂದ್ರದ ಸನ್ಮಾನ ನನಗೆ ಅತ್ಯಂತ ಸಂತೋಷ ತಂದಿದೆ. ನಮ್ಮಿಂದ ಇನ್ನೊಬ್ಬರಿಗೆ ಸಹಾಯವಾಗಿ ಅದರಲ್ಲಿ ಸಿಗುವ ಸುಖ, ಶಾಂತಿ, ನೆಮ್ಮದಿ ಹಣ, ಆಸ್ತಿ, ಸಂಪತ್ತಿನಿಂದ ಸಿಗುವುದಿಲ್ಲ. ನೀವು ಕೂಡಾ ಅತ್ಯಂತ ಪುಣ್ಯದ ಕೆಲಸವನ್ನು ಮಾಡುತ್ತಿದ್ದೀರಿ" ಎಂದು ಶುಭ ಹಾರೈಸಿದರು.

  ಸಾಹಿತಿ ಹುಸೈನ್ ಕಾಟಿಪಳ್ಳ ಅಭಿನಂದನಾ ಭಾಷಣ ಮಾಡಿದರು. ಸೇರಾ ಕೇರ್ ಸಂಸ್ಥೆಯ ಆಡಳಿತ ನಿರ್ದೇಶಕ ಪ್ರದೀಪ್ ಕುಮಾರ್ ಅಧ್ಯಕ್ಷತೆ ವಹಿಸಿದ್ದರು.

  ಮಾಜಿ ತಾಲೂಕು ಪಂಚಾಯತ್ ಸದಸ್ಯ ಎನ್.ಇ.ಮುಹಮ್ಮದ್, ಪಚ್ಚನಾಡಿ ವಾರ್ಡ್ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಸಿಂತಿಯಾ ಮಿರಂಡ, ಬಹುಭಾಷಾ ಗಾಯಕಿ ಅನಿತಾ ಡಿಸೋಜಾ, ಪುರುಷೋತ್ತಮ್, ಕ್ರಷ್ಣ ಶೆಟ್ಟಿ ದೀಪ ಬೆಳಗಿಸಿದರು.

  ಶ್ರೀಮತಿ ಲಕ್ಷ್ಮಿತ, ದಿವ್ಯಾ, ಶುಭ, ಐಡಾ, ನಸ್ರಿನ್, ಕಾವ್ಯ, ಪ್ರಜ್ಞಾ ಮುಂತಾದವರು ಉಪಸ್ಥಿತರಿದ್ದರು.

  ಮುಹಮ್ಮದ್ ಫೈಝ್ ಹಾಜಬ್ಬರ ಗೀತೆಯನ್ನು ಹಾಡಿದರು. ವ್ಯವಸ್ಥಾಪಕಿ ದಿವ್ಯಾ ಕೊಟ್ಟಾರಿ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು.