Karavali
ಮಂಗಳೂರು: ವಿಮಾನದೊಳಗೆ ಮೊಳಗಿದ ತುಳುವಿನ ಕಂಪು
- Sat, Dec 25 2021 03:57:35 PM
-
ಮಂಗಳೂರು, ಡಿ 24 (DaijiworldNews/MS): ಇಂಡಿಗೋ ಏರ್ ಲೈನ್ ನಲ್ಲಿ ಮುಂಬೈ - ಮಂಗಳೂರು ಪ್ರಯಾಣದ ವೇಳೆ ವಿಮಾನದ ಫಸ್ಟ್ ಆಫೀಸರ್ ತುಳು ಭಾಷೆಯಲ್ಲಿ ಮಾಡಿರುವ ಎನೌನ್ಸ್ಮೆಂಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಕರಾವಳಿಗರ ಮನಗೆದ್ದಿದೆ.
ದೇಶದಲ್ಲಿನ ಎಲ್ಲ ವಿಮಾನ ನಿಲ್ದಾಣಗಳಲ್ಲಿ ಪ್ರಯಾಣಿಕ ಹಾಗೂ ಸಾರ್ವಜನಿಕ ಪ್ರಕಟಣೆಯನ್ನು ಮೊದಲು ಸ್ಥಳೀಯ ಭಾಷೆಯಲ್ಲಿ ಹೊರಡಿಸಿ ಆನಂತರ ಹಿಂದಿ ಹಾಗೂ ಇಂಗ್ಲಿಷ್‍ನಲ್ಲಿ ಮಾಡಬೇಕು ಎಂದು ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರದ ಆದೇಶವಿದೆ. ಈ ಪ್ರಕಾರ ವಿಮಾನ ನಿಲ್ದಾಣಗಳಲ್ಲಿನ ಎಲ್ಲ ಮೌಕಿಕ (ಮೌತ್) ಪ್ರಕಟಣೆಗಳನ್ನು ಮೊದಲು ಸ್ಥಳೀಯ ಭಾಷೆಯಲ್ಲಿ ಹೊರಡಿಸಬೇಕು.
ಈ ಆದೇಶದ ಪ್ರಕಾರ ಮುಂಬೈ ನಿಂದ ಮಂಗಳೂರಿಗೆ ಡಿ.24 ರಂದು ಪ್ರಯಾಣಕ್ಕೆ ಸಿದ್ದವಾದ ಇಂಡಿಗೋ ವಿಮಾನದಲ್ಲಿ ಪೈಲೆಟ್ ಪ್ರದೀಪ್ ಪದ್ಮಶಾಲಿ ಅವರು ಪ್ರಕಟನೆ ಬರೆದು ತಂದ ತುಳುವಿನಲ್ಲಿ ಓದಿ ಹೇಳಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಚಾನಲ್ ಫಾಲೋ ಮಾಡಿ
