ಮಂಗಳೂರು: ಬಹುನಿರೀಕ್ಷಿತ 'ಉಮಿಲ್ ' ಚಿತ್ರದ ಟ್ರೇಲರ್ ರಿಲೀಸ್

•   Sun, Dec 02 2018 03:15:11 PM



• ಮಂಗಳೂರು,ಡಿ 02 (MSP): ಭವಾನಿ ಫಿಲ್ಮ್ ಮೇಕರ್ಸ್ ಬ್ಯಾನರ್‌ನಲ್ಲಿ ತಯಾರಾದ ತುಳು ಚಿತ್ರರಂಗದ ಮೊದಲ ಗ್ರಾಫಿಕ್ಸ್ ತಂತ್ರಜ್ಞಾನದ ಚಿತ್ರ 'ಉಮಿಲ್' ನಮ್ಮ ಊರುದ ನಮ್ಮ ತೋಡುದ ಡಿಸೆಂಬರ್‌ 7 ರಂದು ತೆರೆಗಪ್ಪಳಿಸಲು ಸಿದ್ದವಾಗಿರುವಂತೆಯೇ ಉಮಿಲ್ ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಡಿ.1 ರಂದು ಬಿಡುಗಡೆಯಾದ ಉಮಿಲ್ ಚಿತ್ರದ ಟ್ರೇಲರ್ ನಲ್ಲೂ ವಿಭಿನ್ನತೆ ಮೈತುಂಬಿಕೊಂಡಿದೆ. ಚಿತ್ರದ ಟ್ರೇಲರ್, ಹಾಸ್ಯ ಮತ್ತು ಕುತೂಹಲವನ್ನು ಕಟ್ಟಿಟ್ಟ ಬುತ್ತಿಯಂತಿದ್ದು ಬುತ್ತಿಯನ್ನು ಸವಿಯಬೇಕಾದರೆ ಸಿನಿಮಾ ನೋಡಲೇಬೇಕು ಎನ್ನುತ್ತಾರೆ ಚಿತ್ರದ ನಿರ್ದೇಶಕ ರಂಜಿತ್ ಸುವರ್ಣ.

  

  ತುಳು ಚಿತ್ರರಂಗದ ಇತಿಹಾಸದಲ್ಲೇ ಮೊದಲ ಬಾರಿಗೆ ಗ್ರಾಫಿಕ್ಸ್‌ ತಂತ್ರಜ್ಞಾನ ಬಳಸಿ ನಿರ್ಮಿಸಿರುವ ‘ಉಮಿಲ್‌’ನ ನಿರ್ಮಾಪಕರು ಕರುಣಾಕರ ಶೆಟ್ಟಿ, ಪ್ರಜ್ಞೇಶ್‌ ಶೆಟ್ಟಿ ಹಾಗೂ ಪ್ರಜ್ವಲ್‌ ಶೆಟ್ಟಿ. ಚಿತ್ರದ ಗ್ರಾಫಿಕ್ಸ್‌ ಕೆಲಸ ಕೆನಡಾ, ಮುಂಬೈ, ಹೈದರಾಬಾದ್‌ನಲ್ಲಿ ನಡೆದಿದ್ದು, ಉಮಿಲ್‌ ಚಿತ್ರಕ್ಕೆ ಮೊದಲ ಬಾರಿಗೆ ಕನ್ನಡದ ನಟ ಪುನೀತ್‌ ರಾಜ್‌ ಕುಮಾರ್‌ ಅವರ ಕಂಠಸಿರಿಯಲ್ಲು ತುಳು ಹಾಡೊಂದನ್ನು ಮೂಡಿಬಂದಿದೆ. ಆಡಿಯೋ ರೈಟ್ಸ್‌ನ್ನು ಪುನೀತ್‌ ರಾಜ್‌ಕುಮಾರ್‌ ಅವರ ಪಿ.ಆರ್‌.ಕೆ. ಆಡಿಯೋ ಸಂಸ್ಥೆ ಖರೀದಿಸಿದೆ.

  ಸುವರ್ಣ ಮಹೋತ್ಸವ ಸನಿಹದಲ್ಲಿರುವ ಕೋಸ್ಟಲ್ ವುಡ್ ಗೆ , 101ನೆ ಚಿತ್ರವಾಗಿ ತೆರೆ ಮೇಲೆ ಅಬ್ಬರಿಸಲಿರುವ ಉಮಿಲ್ ಚಿತ್ರ ಎರಡನೆ ಶತಮಾನದ ಚಿತ್ರಗಳಿಗೆ ಈ ಮೂಲಕ ಚಾಲನೆ ನೀಡಲಿದೆ. ಬಲೆ ತೆಲಿಪಾಲೆ’ ಖ್ಯಾತಿಯ ಉಮೇಶ್‌ ಮಿಜಾರು‘ಉಮಿಲ್‌’ ಚಿತ್ರದ ನಾಯಕ ಹಾಗೂ ಪೂಜಾ ಶೆಟ್ಟಿಯಾಗಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಅರವಿಂದ ಬೋಳಾರ್‌, ನವೀನ್‌ ಡಿ. ಪಡೀಲ್‌, ಭೋಜರಾಜ ವಾಮಂಜೂರು, ದೀಪಕ್‌ ರೈ ಮುಂತಾದವರ ತಾರಾಗಣವಿದೆ.

  ಉಮಿಲ್ ಚಿತ್ರದ ಟ್ರೇಲರ್: