ಮಂಗಳೂರು: ವರದಕ್ಷಿಣೆಗಾಗಿ ಕಿರುಕುಳ ಅರೋಪ - ದೂರು ದಾಖಲು

•   Tue, Jan 11 2022 08:55:08 AM



• ಮಂಗಳೂರು, ಜ 11 (DaijiworldNews/MS):  ಪೊಳಲಿ ಅಡೂರು ಕಲ್ಲಕಲಂಬಿಯ ಮೊಹಮ್ಮದ್ ಇಮ್ರಾನ್ ಮತ್ತು ಕುಟುಂಬಿಕರು ಸೇರಿ ಆತನ ಪತ್ನಿಗೆ ವರದಕ್ಷಿಣೆ ಕಿರುಕುಳ ನೀಡಿರುವ ಬಗ್ಗೆ ಮಂಗಳೂರು ಮಹಿಳಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

  2019ರ ನ. 11 ರಂದು ವಿವಾಹವಾಗಿದ್ದು ವಿವಾಹದ ಅನಂತರ ಇಮ್ರಾನ್ ಮತ್ತು ಆತನ ಸಂಬಂಧಿಕರು ವರದಕ್ಷಿಣೆಗಾಗಿ ಮಾನಸಿಕ ಮತ್ತು ದೈಹಿಕ ಹಿಂಸೆ ನೀಡುತ್ತಿದ್ದಾರೆ. ಡಿ.13 ರಂದು ಹಲ್ಲೆ ನಡೆಸಿ ಅವಾಚ್ಯ ಶಬ್ದಗಳಿಂದ ಬೈದು ಜೀವ ಬೆದರಿಕೆಯೊಡ್ಡಿದ್ದಾರೆ ಎಂದು ಇಮ್ರಾನ್ ನ ಪತ್ನಿ ತನ್ನ ದೂರಿನಲ್ಲಿ ತಿಳಿಸಿದ್ದಾರೆ.