ಕಾರ್ಕಳ: ರಸ್ತೆಯಲ್ಲಿ ಬೈಕ್‌ಗೆ ಎದುರಾದ ದನ - ಸಹಸವಾರನ ಮೂಳೆ ಮುರಿತ

•   Tue, Feb 01 2022 06:36:03 PM



• ಕಾರ್ಕಳ, ಫೆ 01 (DaijiworldNews/HR): ತೆಳ್ಳಾರು ಸಂಕದ ಬಳಿ ರಸ್ತೆಗೆ ಅಡ್ಡ ಬಂದ ದನವೊಂದನ್ನು ತಪ್ಪಿಸುವ ಭರದಲ್ಲಿ ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸುತ್ತಿದ್ದ ಬೈಕ್ ಒಮ್ಮೆಲೇ ಬ್ರೇಕ್ ಹಾಕಿದ ಪರಿಣಾಮ ಬೈಕ್ ಸವಾರರಿಬ್ಬರು ರಸ್ತೆಗೆಸೆಯಲ್ಪಟ್ಟಿದ್ದು, ಸಹಸವಾರನ ಕಾಲಿನ ಮೂಳೆ ಮುರಿತಕ್ಕೊಳಗಾದ ಘಟನೆ ಸಂಭವಿಸಿದೆ.

  ತೆಳ್ಳಾರ್ ನೇರೊಲ್ದಪಲ್ಕೆಯ ಶಿವಾನಂದ ಕುಮಾರ್ (35) ಮೂಳೆ ಮುರಿತಕ್ಕೊಳಗಾದವರು.

  ಜನವರಿ 30ರ ರಾತ್ರಿ ಸವಾರನಾದ ತನ್ನ ಸಂಬಂಧಿ ನಿತೇಶ ರವರೊಂದಿಗೆ ಕಾರ್ಕಳ ಪೇಟೆಯಿಂದ ತೆಳ್ಳಾರು ಕಡೆಗೆ ಕೋಲದ ಕಾರ್ಯಕ್ರಮದ ನಿಮಿತ್ತ ತೆರಳುತ್ತಿದ್ದ ಸಮಯದಲ್ಲಿ ಈ ಘಟನೆ ಸಂಭವಿಸಿದೆ.

  ಬೈಕ್‌ನಿಂದ ಬಿದ್ದ ಅವರು ನೇರವಾಗಿ ಮನೆಗೆ ಹೋದಿದ್ದು, ರಾತ್ರಿ ವೇಳೆಗೆ ಕಾಲಿನ ನೋವು ಕಾಣಿಸಿಕೊಂಡಿತು. ನಗರದಲ್ಲಿರುವ ನಿಟ್ಟೆ ಗಾಜ್ರಿಯಾ ಆಸ್ಪತ್ರೆಗೆ ಹೋದಾಗ ಪರೀಕ್ಷಿಸಿದ ವೈದ್ಯರು ಬಲಕಾಲಿನ ಕೋಲು ಕಾಲಿನಲ್ಲಿ ಮೂಳೆ ಮುರಿತವಾಗಿರುತ್ತದೆ ಎಂದು ತಿಳಿಸಿದ್ದಾರೆ.

  ಈ ಬಗ್ಗೆ ನಗರ ಠಾಣೆಯಲ್ಲಿ ಕೇಸುದಾಖಲಾಗಿದೆ.