ಬೆಳ್ತಂಗಡಿ: ಲಾರಿ ಕದ್ದು ಬಳಿಕ ಚಾರ್ಮಾಡಿ ಘಾಟ್ ನಲ್ಲಿ ಬಿಟ್ಟುಹೋದ ಕಳ್ಳರು..!

•   Mon, Dec 10 2018 03:07:44 PM



• ಬೆಳ್ತಂಗಡಿ, ಡಿ 10 (MSP): ನಿಲ್ಲಿಸಿದ್ದ ಲಾರಿಯನ್ನು ರಾತ್ರಿ ಯಾರೋ ಕಿಡಿಗೇಡಿಗಳು ಕದ್ದು ,ನಂತರ ಲಾರಿಯನ್ನು ಚಾರ್ಮಾಡಿ ಘಾಟ್ ನಲ್ಲಿ ಬಿಟ್ಟುಹೋದ ಘಟನೆ ಭಾನುವಾರ ಮುಂಜಾನೆ ನಡೆದಿದೆ.

  

  ಸಾಂದರ್ಭಿಕ ಚಿತ್ರ

  ಲಾಯಿಲಾ ಆದರ್ಶ ನಗರದ ಲಾರಿ ಚಾಲಕ ತನ್ನ ಲಾರಿಯನ್ನು ಬೆಳ್ತಂಗಡಿ ಸಮೀಪದ ಮಸೀದಿ ಬಳಿ ನಿಲ್ಲಿಸಿದ್ದರು. ಭಾನುವಾರ ಮುಂಜಾನೆ ಬಂದಾಗ ನಿಲ್ಲಿಸಿದ್ದ ಲಾರಿ ಸ್ಥಳದಲ್ಲಿ ಇರಲಿಲ್ಲ.ತಕ್ಷಣ ತನ್ನ ಪರಿಚಿತರಿಗೆ ಮಾಹಿತಿ ನೀಡಿದ್ದಾರೆ.

  ಈ ಬಳಿಕ ಭಾನುವಾರ ಬೆಳಗ್ಗೆ ಚಾರ್ಮಾಡಿ ಘಾಟಿಯ 11 ನೇ ತಿರುವಿನ ಸಮೀಪ ರಸ್ತೆ ಬದಿಯಲ್ಲಿ ಲಾರಿಯೊಂದು ನಿಂತಿದೆ ಎಂಬ ಮಾಹಿತಿ ಸಿಕ್ಕಿತು. ಅಲ್ಲಿ ಹೋದಾಗ ರಾತ್ರಿ ಕಳವಾದ ಲಾರಿಯೇ ಆಗಿತ್ತು. ಆದರಿಂದ ಎರಡು ಚಕ್ರಗಳನ್ನು ಬದಲಾಯಿಸಿ ಹಳೆಯ ಚಕ್ರವನ್ನು ಸಿಕ್ಕಿಸಿ ಹೊಸ ಚಕ್ರದೊಂದಿಗೆ ಪರಾರಿಯಾಗಿದ್ದಾನೆ.

  ಇನ್ನು ಲಾರಿಯ ಮಾಲಕನೇ ಚಾಲಕನಾಗಿ ಪ್ರತಿದಿನ ಮುಂಜಾನೆ ೪ ಗಂಟೆಗೆ ಕೆಲಸಕ್ಕೆ ಹೋಗುತ್ತಿದ್ದರು. ಉಜಿರೆಯಲ್ಲಿ ಮುಂಜಾನೆ ಮೂರು ಗಂಟೆ ಸಮಯಕ್ಕೆ ಇದೇ ಲಾರಿ ಚಾರ್ಮಾಡಿ ಕಡೆಗೆ ಹೋಗಿದ್ದನ್ನು ಲಾರಿಯ ಮಾಲಕನ ಪರಿಚಯಸ್ಥರು ಗಮನಿಸಿದ್ದರು. ಕದ್ದೊಯ್ದ ಲಾರಿಯ ಹೊಸ ಚಕ್ರವನ್ನು ಬದಲಾಯಿಸಿ ಉಜಿರೆ ಕಡೆಗೆ ಮುಖ ಮಾಡಿ ನಿಲ್ಲಿಸಿ ಪರಾರಿಯಾಗಿದ್ದಾರೆ.