ಮಂಗಳೂರು: 'ಜಿಲ್ಲೆಯಲ್ಲಿ 68,952 ಕಡತ ವಿಲೇವಾರಿ , ಶೇ. 81%ರಷ್ಟು ಪ್ರಗತಿ' - ಸಚಿವ ಸುನೀಲ್ ಕುಮಾರ್

•   Sat, Feb 26 2022 03:16:39 PM



• ಮಂಗಳೂರು, ಫೆ 26 (DaijiworldNews/HR): ಜಿಲ್ಲೆಯಲ್ಲಿ 45 ಇಲಾಖೆಗಳಿಂದ 85,384 ಕಡತಗಳು ಬಾಕಿ ಉಳಿದಿದ್ದು, ಫೆಬ್ರವರಿ 25 ರವರೆಗೆ 85,384ರಲ್ಲಿ, 68952 ಕಡತಗಳನ್ನು ವಿಲೇವಾರಿ ಮಾಡಿ 81%ರಷ್ಟು ಪ್ರಗತಿ ಸಾಧಿಸಲಾಗಿದ್ದು, ಫೆಬ್ರವರಿ 19 ರಿಂದ 28 ರವರೆಗೆ ಕಡತ ವಿಲೇವಾರಿ ಅಭಿಯಾನ ಅನ್ನು ಪ್ರಾರಂಭಿಸಿದ್ದೇವೆ ಉಸ್ತುವಾರಿ ಸಚಿವ ಸುನೀಲ್ ಕುಮಾರ್ ಹೇಳಿದ್ದಾರೆ.

  ಈ ಕುರಿತು ಮಾಹಿತಿ ನೀಡಿರುವ ಅವರು, ಜಿಲ್ಲೆ ಮತ್ತು ತಾಲೂಕಿನಿಂದ 1500 ಸಿಬ್ಬಂದಿ ಕಡತ ವಿಲೇವಾರಿ ಅಭಿಯಾನದಲ್ಲಿ ಭಾಗಿಯಾಗಿದ್ದು, ಸಾಮಾಜಿಕ ಭದ್ರತಾ ಯೋಜನೆಯಡಿ ಚಾಲನೆಯ ಸಮಯದಲ್ಲಿ 1,704 ಫಲಾನುಭವಿಗಳು ವಿಧವಾ ಪಿಂಚಣಿ, 94 ಸಿ, 94 ಸಿಸಿ, ಮನಸ್ವಿನಿ ಮತ್ತು ಇನ್ನೂ ಅನೇಕ ಯೋಜನೆಗಳೊಂದಿಗೆ ಪ್ರಯೋಜನ ಪಡೆದಿದ್ದಾರೆ ಎಂದಿದ್ದಾರೆ

  ಫೆ.28ರ ನಂತರ ಒಂದು ವಾರ ಎಲ್ಲ ತಾಲೂಕುಗಳಲ್ಲಿ 'ಕಂದಾಯ ಮೇಳ' ನಡೆಯಲಿದ್ದು, ಎಜೆ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಮಾರ್ಚ್ 3 ಉದ್ಯೋಗ ಮೇಳದಲ್ಲಿ 100 ಕಂಪನಿಗಳು ಭಾಗವಹಿಸಲಿದ್ದು, ವಿದ್ಯಾರ್ಥಿಗಳು 3 ಕಂಪನಿಗಳಿಗೆ ಮಾತ್ರ ಅರ್ಜಿ ಸಲ್ಲಿಸಬಹುದು. ವಿದ್ಯಾರ್ಥಿಗಳು ಆಧಾರ್ ಕಾರ್ಡ್ ಮತ್ತು ಮಾರ್ಕ್ಸ್ ಕಾರ್ಡ್ ತರಬೇಕು. ನಾವು 60% ನಿಯೋಜನೆಯ ಗುರಿಯನ್ನು ಹೊಂದಿದ್ದೇವೆ ಎಂದರು.

  ಇನ್ನು ಲೇಡಿಗೋಷನ್ ಆಸ್ಪತ್ರೆಗೆ ರಾಣಿ ಅಬ್ಬಕ್ಕ ಎಂದು ಮರುನಾಮಕರಣ ಮಾಡಲು ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗುವುದು ಎಂದು ಹೇಳಿದ್ದಾರೆ.

  ಸಂಸದ ನಳಿನ್ ಕುಮಾರ್ ಕಟೀಲ್ ಮಾತನಾಡಿ, 'ಫೆ.28ರಂದು ರಾಷ್ಟ್ರೀಯ ಹೆದ್ದಾರಿಗೆ ಸಂಬಂಧಿಸಿದ ಹಲವು ಯೋಜನೆಗಳಿಗೆ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ. ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ, ಲೋಕೋಪಯೋಗಿ ಸಚಿವ ಸಿಸಿ ಪಾಟೀಲ್, ಜಿಲ್ಲಾ ಉಸ್ತುವಾರಿ ಸಚಿವ ಸುನೀಲ್ ಕುಮಾರ್ ಭಾಗವಹಿಸಲಿದ್ದಾರೆ.

  ಟೋಲ್ ಗೇಟ್ ಕುರಿತ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ನಳಿನ್ 'ಕಾನೂನು ಅಡಚಣೆಗಳಿದ್ದು, ನಾವು ಪರಿಶೀಲಿಸುತ್ತೇವೆ. ಸುರತ್ಕಲ್ ಟೋಲ್ ಬಗ್ಗೆ ತಾನು ಹೇಳಿಲ್ಲ ತಾತ್ಕಾಲಿಕ ಆಧಾರ ಎಂದು ನಳಿನ್ ನಿರಾಕರಿಸಿದ್ದಾರೆ.