ಬಂಟ್ವಾಳ: ಶರತ್ ಮಡಿವಾಳ ಕೊಲೆ: ಸುಳ್ಳು ಆರೋಪದ ವಿರುದ್ಧ ರೈ ಪಣೋಲಿಬೈಲು ಕ್ಷೇತ್ರ ಮೊರೆ

•   Sun, Feb 27 2022 09:27:17 PM



• ಬಂಟ್ವಾಳ, ಫೆ. 27 (DaijiworldNews/SM): ಶರತ್ ಮಡಿವಾಳ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸುಳ್ಳು ಆರೋಪಗಳ ಹಿನ್ನೆಲೆಯಲ್ಲಿ ಪಣೋಲಿಬೈಲು ಶ್ರೀ ಕಲ್ಲುರ್ಟಿ ದೈವಸ್ಥಾನಕ್ಕೆ ಭೇಟಿ ನೀಡಿದ ರಮಾನಾಥ ರೈ ಸುಳ್ಳು ಆರೋಪ ಮಾಡುತ್ತಿರುವವರಿಗೆ ಸೂಕ್ತ ಶಿಕ್ಷೆಯಾಗಲಿ ಎಂದು ಅವರು ಪ್ರಾರ್ಥಿಸಿಕೊಂಡಿದ್ದಾರೆ.

  ಬಂಟ್ವಾಳದ ಸಜಿಪ ಗ್ರಾಮದಲ್ಲಿ ಶರತ್ ಮಡಿವಾಳ ಹತ್ಯೆ ಪ್ರಕರಣ ಸಂಬಂಧಿಸಿದಂತೆ, ಕಳೆದ ಬಾರಿಯೂ ಈ ವಿಚಾರದಲ್ಲಿ ಸುಳ್ಳು ಆರೋಪ ಮಾಡಿದ್ದರು. ನಂಬಿಕೆ ಬರುವ ರೀತಿಯಲ್ಲೇ ರಮಾನಾಥ ರೈ ಹತ್ಯೆ ಮಾಡಿಸಿದ್ದಾರೆ ಎಂದು ಸುಳ್ಳು ಆರೋಪ ಮಾಡುತ್ತಿದ್ದಾರೆ. ಈಗ ಮತ್ತೆ ಹತ್ಯೆಯ ವಿಚಾರವಾಗಿ ಸುಳ್ಳು ಆರೋಪ ಮಾಡುತ್ತಿದ್ದಾರೆ. ಚುನಾವಣೆ ಹತ್ತಿರ ಬರುವಾಗ ರಾಜಕೀಯ ಪ್ರೇರಿತವಾಗಿ ಸುಳ್ಳು ಆರೋಪ ಮಾಡಲಾಗುತ್ತಿದೆ ಎಂದು ಅವರು ಪ್ರಾರ್ಥನೆಯ ವೇಳೆ ಹೇಳಿದ್ದಾರೆ.

  ನಾನು ಹತ್ಯೆ ಮಾಡಿದ್ರೆ ಕಲ್ಲುರ್ಟಿ ತಾಯಿ ಅದಕ್ಕೆ ಶಿಕ್ಷೆ ನೀಡಲಿ. ಸುಳ್ಳು ಆರೋಪ ಮಾಡುವವರಿಗೆ ಕಠಿಣ ಶಿಕ್ಷೆ ಆಗಬೇಕು. ಸದ್ಯ ಯಾರು ಹತ್ಯೆ ಮಾಡಿದ್ದಾರೆ ಅವರಿಗೆ ಶಿಕ್ಷೆ ಆಗುತ್ತಿದೆ. ಸುಳ್ಳು ಆರೋಪ ಮಾಡುವವರಿಗೆ ತಾಯಿಯೇ ಶಿಕ್ಷೆ ನೀಡಬೇಕು ಎಂದು ಪಣೋಲಿಬೈಲು ಕ್ಷೇತ್ರದಲ್ಲಿ ಮಾಜಿ ಸಚಿವ ರಮಾನಾಥ ರೈ ಹರಕೆ ಹೊತ್ತುಕೊಂಡಿದ್ದಾರೆ.