ಬಂಟ್ವಾಳ: ವಿಭಿನ್ನ ರೀತಿಯಲ್ಲಿ ಪ್ರಚಾರಕ್ಕಿಳಿದ ’ಟೀಂ ಮೋದಿ ಸಂಘಟನೆ’

•   Sun, Dec 16 2018 04:24:37 PM



• ಬಂಟ್ವಾಳ,ಡಿ 16 (MSP):"ಇನ್ನೊಮ್ಮೆ ಮತ್ತೊಮ್ಮೆ ಟೀಂ ಮೋದಿ , ನರೇಂದ್ರ ಮೋದಿ" ಎಂದು ಹೊಸ ರೀತಿಯಲ್ಲಿ ಯುವಕರ ತಂಡವೊಂದು ಮೋದಿ ಪರ ಪ್ರಚಾರಕ್ಕೆ ಡಿ.16 ರ ಭಾನುವಾರ ಇಂದು ಅಧಿಕೃತ ವಾಗಿ ಚಾಲನೆ ನೀಡಿದೆ.

  
  

  

  

   

  ಕರ್ನಾಟಕದ್ಯಾದಂತ ಈ ಯುವಕರ ಸಂಘಟನೆ ಇಂದು ಅಧಿಕೃತ ವಾಗಿ ಚಾಲನೆ ಗೊಂಡಿದ್ದು ಮೋದಿಯವರು ಇನ್ನೊಮ್ಮೆ ಪ್ರಧಾನಿ ಯಾಗಬೇಕು ಎಂಬ ಹಂಬಲದಿಂದ ಕೆಲಸ ಮಾಡಲು ಮುಂದಾಗಿದೆ. ಬಂಟ್ವಾಳ ವಿಧಾನ ಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ ಇದೇ ರೀತಿ ಟೀಂ ಮೋದಿ ಎಂಬ ಹೆಸರಿನ ವೈಟ್ ಟೀ ಶರ್ಟ್ ಧರಿಸಿ ಬಿಸಿರೋಡಿನ ಶ್ರೀ ರಕ್ತೇಶ್ವರೀ ದೇವಿ ದೇವಸ್ಥಾನ ದ ಮುಂಬಾಗದಲ್ಲಿ ಯುವಕರು ಸಾರ್ವಜನಿಕರಿಗೆ ಚಾ ನೀಡುವ ಮೂಲಕ ಈ ಟೀಂ ಮೋದಿ ಸಂಘಟನೆ ಗೆ ಅಧಿಕೃತ ವಾಗಿ ಚಾಲನೆ ನೀಡಿದರು.

  ಬೆಳಿಗ್ಗೆಯಿಂದಲೇ ರಸ್ತೆಯಲ್ಲಿ ಹೋಗುವ ಜನರಿಗೆ ಕರೆದು ಚಾ ನೀಡುವುದು ಮತ್ತು ಮೋದಿ ಟೀ ಎಂದು ಹೇಳುವುದು ಕಂಡು ಬಂತು. ಸುಮಾರು ನಲವತ್ತುಕ್ಕೂ ಅಧಿಕ ಯುವಕರು ಈಗಾಗಲೇ ಈ ತಂಡದಲ್ಲಿ ಕಾರ್ಯನಿರ್ವಹಿಸಲು ಮುಂದಾಗಿದ್ದು , ಚುನಾವಣೆ ಸಮೀಪಿಸುತ್ತಿದ್ದಂತೆ ಇಂತಹ ಅನೇಕ ಮೋದಿ ಪರ ಪ್ರಚಾರದ ಟೀಂ ಗಳು ತಲೆ ಎತ್ತಿವೆ.