ಕೊಲ್ಲೂರು ಕುಕ್ಕೆ ಭೇಟಿ ವೇಳೆ ಅನ್ನದಾನಕ್ಕೆ ಲಕ್ಷಾಂತರ ದೇಣಿಗೆ ನೀಡಿದ ಯಶ್

•   Mon, Dec 17 2018 09:42:52 AM



• ಕುಂದಾಪುರ,ಡಿ 17 (MSP): ಬಹು ನಿರೀಕ್ಷಿತ ಕೆಜಿಎಫ್‌ ಸಿನಿಮಾ ಇದೇ 21ರಂದು ಬಿಡುಗಡೆಯಾಗುತ್ತಿವ ಹಿನ್ನೆಲೆಯಲ್ಲಿ ರಾಜ್ಯದ ಪ್ರಸಿದ್ಧ ಧಾರ್ಮಿಕ ಕ್ಷೇತ್ರಗಳಿಗೆ ಭೇಟಿ ನೀಡುತ್ತಿರುವ ಸ್ಯಾಂಡಲ್‌ವುಡ್‌ ನಟ ಯಶ್‌ ಭಾನುವಾರ ಹೊಂಬಾಳೆ ಫಿಲ್ಮ್ಸ್‌ ತಂಡದೊಂದಿಗೆ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನಕ್ಕೆ ಭೇಟಿ ನೀಡಿ ಶ್ರೀದೇವಿಗೆ ವಿಶೇಷ ಪೂಜೆ ಸಲ್ಲಿಸಿದರು.

  

  

  

   

  ಇದೆ ವೇಳೆ ಕೊಲ್ಲೂರು ಕ್ಷೇತ್ರದ ವತಿಯಿಂದ ನಡೆಯುತ್ತಿರುವ ಅನ್ನದಾನಕ್ಕಾಗಿ 1.6 ಲಕ್ಷ ದೇಣಿಗೆಯನ್ನು ಕ್ಷೇತ್ರಕ್ಕೆ ಸಮರ್ಪಿಸಿದರು. ಆ ಬಳಿಕ ಕೊಲ್ಲೂರಿನಿಂದ ಹೆಲಿಕಾಪ್ಟರ್ ಮೂಲಕ ಶ್ರೀ ಕ್ಷೇತ್ರ ಧರ್ಮಸ್ಥಳಕ್ಕೆ ಬಂದು ವಿಶೇಷ ಪೂಜೆ ಸಲ್ಲಿಸಿದರು.

  ನಂತರ ಧರ್ಮಸ್ಥಳದಿಂದ ಕುಕ್ಕೆ ಶ್ರೀ ಸುಬ್ರಹ್ಮಣ್ಯಕ್ಕೆ ತೆರಳಿದರು. ಅಲ್ಲಿ ಶ್ರೀ ದೇವರ ದರ್ಶನ ಪಡೆದು ಸಂಕಲ್ಪ, ಶೇಷ ಸೇವೆ ನೆರವೇರಿಸಿದರು.ಬಳಿಕ ಹೊಸಳಿಗಮ್ಮ ಗುಡಿಗೆ ತೆರಳಿ ಪ್ರಾರ್ಥನೆ ಸಲ್ಲಿಸಿದರು. ಬಳಿಕ ದೇಗುಲದಲ್ಲಿ ತಮ್ಮ ಹೆಸರಿನಲ್ಲಿ 1ಲಕ್ಷ ಅನ್ನದಾನ ದೇಣಿಗೆಗೆ ರಶೀದಿ ಹಾಗೂ ತಮ್ಮ ಚಲನಚಿತ್ರ ಸಂಸ್ಥೆ ಹೆಸರಿನಲ್ಲಿ 1.8 ಲಕ್ಷ ಅನ್ನದಾನ ದೇಣಿಗೆ ರಶೀದಿ ಮಾಡಿಸಿದರು. ಕೆಜಿಎಫ್ ಚಲನಚಿತ್ರ ಯಶಸ್ವಿಯಾದಲ್ಲಿ ಮತ್ತೆ ಕ್ಷೇತ್ರಕ್ಕೆ ಬಂದು ಶ್ರೀ ದೇವರಿಗೆ ಮಹಾಭಿಷೇಕ ನಡೆಸುವುದಾಗಿ ಅವರು ಈ ವೇಳೆ ಹೇಳಿದರು.