ಕಾಸರಗೋಡು: ನಕಲಿ ನೋಟು ಚಲಾವಣೆ ಮಾಡುತ್ತಿದ್ದ ವ್ಯಕ್ತಿಯ ಬಂಧನ

•   Mon, Dec 17 2018 04:41:31 PM



• ಕಾಸರಗೋಡು, ಡಿ 17 (MSP): ಕಾಸರಗೋಡಿನಲ್ಲಿ ನಕಲಿ ನೋಟುಗಳ ಹಾವಳಿ ಕಂಡುಬಂದಿದ್ದು, ನಗರದ ಮೀನು ಮಾರುಕಟ್ಟೆಗೆ ತಲುಪಿದ ವ್ಯಕ್ತಿಯೋರ್ವನನ್ನು ನಾಗರಿಕರು ಹಿಡಿದು ಪೊಲೀಸರಿಗೊಪ್ಪಿಸಿದ ಘಟನೆ ನಡೆದಿದೆ. ಉದುಮದ ಅಬೂಬಕ್ಕರ್ ಸಿದ್ದಿಕ್ (44) ಎಂಬಾತನನ್ನು ಕಾಸರಗೋಡು ನಗರ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

  

  ಸೋಮವಾರ ಬೆಳಿಗ್ಗೆ ಕಾಸರಗೋಡಿನ ಮೀನು ಮಾರುಕಟ್ಟೆಗೆ ಬಂದು ಮೀನು ಖರೀದಿಸಿದ ಸಿದ್ದಿಕ್ ಎರಡು ಸಾವಿರ ರೂ . ನೋಟು ನೀಡಿದ್ದು, ಸಂಶಯಗೊಂಡು ನೋಟನ್ನು ಪರಿಶೀಲಿಸಿದಾಗ ನಕಲಿ ಎಂದು ಕಂಡು ಬಂದಿದೆ. ಬಳಿಕ ಪೊಲೀಸರಿಗೆ ಮಾಹಿತಿ ನೀಡಲಾಯಿತು .

  ಸ್ಥಳಕ್ಕಾಮಿಸಿದ ಪೊಲೀಸರು ಸಿದ್ದಿಕ್ ನನ್ನು ವಶಕ್ಕೆ ತೆಗೆದುಕೊಂಡು ತಪಾಸಣೆ ನಡೆಸಿದಾಗ ಎರಡು ಸಾವಿರ ರೂ. ಮೌಲ್ಯದ ಎರಡು, ಐದು ಮತ್ತು 200 ರೂ .ಗಳ ಒಂದು ನೋಟು ಪತ್ತೆಯಾಗಿದೆ. ಪೊಲೀಸರು ಈತನನ್ನು ಬಂಧಿಸಿ ವಿಚಾರಣೆ ನಡೆಸಲಾಗುತ್ತಿದ್ದು , ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.