ಮಂಗಳೂರು: 'ನಮ್ಮ ಸರಕಾರದ ಆಡಳಿತ, ರಾಷ್ಟ್ರಭಕ್ತಿಗೆ ಮನ್ನಣೆ ಸಿಕ್ಕಿದೆ' - ನಳಿನ್ ಕುಮಾರ್ ಕಟೀಲ್

•   Thu, Mar 10 2022 03:25:25 PM



• ಮಂಗಳೂರು, ಮಾ 10 (DaijiworldNews/MS): ಪಂಚ ರಾಜ್ಯದ ಚುನಾವಣೆಗಳಲ್ಲಿ ಉತ್ತರಪ್ರದೇಶ ಸಹಿತ ನಾಲ್ಕು ರಾಜ್ಯಗಳಲ್ಲಿ ಬಿಜೆಪಿ ಅಧಿಕಾರ ಹಿಡಿಯುವುದು ಖಚಿತವಾಗುತ್ತಿದ್ದಂತೆ ರಾಜ್ಯ ಬಿಜೆಪಿಯಲ್ಲಿ ಸಂಭ್ರಮ ಮುಗಿಲು ಮುಟ್ಟಿದೆ. ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ , ಸಿ.ಟಿ ರವಿ ಸೇರಿದಂತೆ ಸಹಿತ ಹಲವರು ನಾಯಕರು ಬಿಜೆಪಿಯ ಗೆಲುವಿಗೆ ಸಂತಸ ವ್ಯಕ್ತಪಡಿಸಿದ್ದಾರೆ.

  ಪಂಚ ರಾಜ್ಯ ಚುನಾವಣೆಯಲ್ಲಿ ಬಿಜೆಪಿ ಬಹುಮತದ ಹಿನ್ನಲೆಯಲ್ಲಿ ಟ್ವೀಟ್ ಮಾಡಿರುವ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ " ನಮ್ಮ ಸರಕಾರದ ಆಡಳಿತ, ರಾಷ್ಟ್ರಭಕ್ತಿಗೆ ಮನ್ನಣೆ ಸಿಕ್ಕಿದೆ" ಎಂದು ಸಂತೋಷ ವ್ಯಕ್ತಪಡಿಸಿದ್ದಾರೆ.

  "ಪ್ರಧಾನಿ ನರೇಂದ್ರ ಮೋದಿ ಅವರ ಅಭಿವೃದ್ಧಿ ಕಾರ್ಯಗಳು, ಯುಪಿ, ಉತ್ತರಾಖಂಡ, ಮಣಿಪುರ,ಗೋವಾದಲ್ಲಿ ನಮ್ಮ ಸರಕಾರದ ಆಡಳಿತ, ರಾಷ್ಟ್ರಭಕ್ತಿಗೆ ಮನ್ನಣೆ ಸಿಕ್ಕಿದೆ.ನಾಲ್ಕು ರಾಜ್ಯಗಳಲ್ಲಿಯೂ ಬಿಜೆಪಿ ಸರಕಾರ ರಚಿಸಲಿದೆ. ಕಾಂಗ್ರೆಸ್ಸಿನ ಕುಟುಂಬ ರಾಜಕಾರಣ, ಒಳಜಗಳ, ದುರಾಡಳಿತ, ಭ್ರಷ್ಟಾಚಾರವನ್ನು ಜನ ತಿರಸ್ಕರಿಸಿದ್ದಾರೆ" ಎಂದು ಹೇಳಿದ್ದಾರೆ.

  ಪ್ರಧಾನಿ @narendramodi ಅವರ ಅಭಿವೃದ್ಧಿ ಕಾರ್ಯಗಳು, ಯುಪಿ, ಉತ್ತರಾಖಂಡ, ಮಣಿಪುರ,ಗೋವಾದಲ್ಲಿ ನಮ್ಮ ಸರಕಾರದ ಆಡಳಿತ, ರಾಷ್ಟ್ರಭಕ್ತಿಗೆ ಮನ್ನಣೆ ಸಿಕ್ಕಿದೆ.
  
  ನಾಲ್ಕು ರಾಜ್ಯಗಳಲ್ಲಿಯೂ @BJP4India ಸರಕಾರ ರಚಿಸಲಿದೆ.
  
  ಕಾಂಗ್ರೆಸ್ಸಿನ ಕುಟುಂಬ ರಾಜಕಾರಣ, ಒಳಜಗಳ, ದುರಾಡಳಿತ, ಭ್ರಷ್ಟಾಚಾರವನ್ನು ಜನ ತಿರಸ್ಕರಿಸಿದ್ದಾರೆ.

  — Nalinkumar Kateel (@nalinkateel) March 10, 2022