ಮಂಜೇಶ್ವರ: ಬೈಕ್ ಅಪಘಾತ ಗಾಯಗೊಂಡಿದ್ದ ನಿವೃತ್ತ ಅಧ್ಯಾಪಕ ಚಿಕಿತ್ಸೆ ಫಲಿಸದೆ ಸಾವು

•   Wed, Mar 16 2022 02:04:16 PM



• ಮಂಜೇಶ್ವರ, ಮಾ 16 (DaijiworldNews/MS): ಬೈಕ್'ಗಳ ನಡುವೆ ಉಂಟಾದ ಅಪಘಾತದಲ್ಲಿ ಗಂಭೀರ ಗಾಯಗೊಂಡು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದ್ದ ನಿವೃತ್ತ ಅಧ್ಯಾಪಕರೋರ್ವರು ಮಾ.16ರ ಬುಧವಾರ ಬೆಳಿಗ್ಗೆ ಮೃತಪಟ್ಟಿದ್ದಾರೆ.

  ವರ್ಕಾಡಿ ಗುಡ್ಡೊಡಿಯ ನಾಗಪ್ಪ (68) ಮೃತಪಟ್ಟವರು. ಕೊಡ್ಲ ಮೊಗರು ವಾಣಿವಿಜಯ ಶಾಲೆಯಲ್ಲಿ ಅಧ್ಯಾಪಕ ರಾಗಿ ಸೇವೆ ಸಲ್ಲಿಸಿದ್ದರು. ಅಲ್ಲದೆ ಮಂಜೇಶ್ವರ ದ ಮೆಡಿಕಲ್ ಶಾಪ್’ನ ಮಾಲಕರಾಗಿದ್ದರು

  ಪ್ರಸ್ತುತ ಎಕ್ಕೂರಿನಲ್ಲಿ ವಾಸವಾಗಿದ್ದ ಇವರು ಫೆಬ್ರವರಿ 28 ರಂದು ತಲಪಾಡಿ ಟೋಲ್'ಗೇಟ್ ಬಳಿ ಬೈಕ್'ಗಳ ನಡುವೆ ಅಪಘಾತ ನಡೆದು ಗಂಭೀರ ಗಾಯಗೊಂಡಿದ್ದ ಇವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.