ಮಂಗಳೂರು: ಭವಿಷ್ಯದಲ್ಲಿ ರಾಷ್ಟ್ರಧ್ವಜ ಬದಲಾಗಬಹುದು-ನಾವೆಲ್ಲ ಒಟ್ಟಾಗಿ ಬಾಳೋಣ-ಕಲ್ಲಡ್ಕ ಭಟ್

•   Sun, Mar 20 2022 09:18:56 PM



• ಮಂಗಳೂರು, ಮಾ. 20 (DaijiworldNews/SM): ಭಾರತೀಯರಾಗಿರುವ ನಮಗಿರುವುದು ಒಂದೇ ನೆಲ, ಒಂದೇ ಜಲ. ಅದು ಭಾರತ. ಭಾರತದೇಶದಲ್ಲಿ ನಾವೆಲ್ಲ ಒಟ್ಟಾಗಿ ಬಾಳೋಣ ಎಂದು ಆರ್.ಎಸ್.ಎಸ್. ಮುಖಂಡ ಕಲ್ಲಡ್ಕ ಪ್ರಭಾಕರ ಭಟ್ ತಿಳಿಸಿದ್ದಾರೆ.

  ಉಳ್ಳಾಲದಲ್ಲಿ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಈ ದೇಶದಲ್ಲಿ ಬದುಕಬೇಕಾದರೆ, ಒಟ್ಟಿಗೆ ಬದುಕಬೇಕು. ಅದರಲ್ಲಿ ಎರಡು ಪ್ರಶ್ನೆ ಇಲ್ಲ. ನೀವು ನಿಮ್ಮ ದೇವರನ್ನು ಪೂಜಿಸಿ. ನಾವು ನಮ್ಮ ದೇವರನ್ನು ಪೂಜಿಸುತ್ತೇವೆ. ಆದರೆ, ಬೇರೆಯವರ ಪೂಜಾಕಾರ್ಯಕ್ಕೆ ಅಡ್ಡಿಪಡಿಸುವಂತಿಲ್ಲ ಎಂದು ಆರ್ ಎಸ್‌ಎಸ್ ಮುಖಂಡ ಡಾ. ಕಲ್ಲಡ್ಕ ಪ್ರಭಾಕರ್ ಭಟ್ ಹೇಳಿದ್ದಾರೆ.

  ಇನ್ನು ರಾಷ್ಟ್ರ ಧ್ವಜದ ಬಗ್ಗೆ ಉಲ್ಲೇಖಿಸಿದ ಅವರು, ಮುಂದೊಂದು ದಿನ ದೇಶದ ರಾಷ್ಟ್ರ ಧ್ವಜ ಕೇಸರಿಯೂ ಆಗಬಹುದು. ಮೂರನೇ ಎರಡು ಭಾಗದಷ್ಟು ಬಹುಮತ ಪಡೆದವರಿಗೆ ಈ ಅಧಿಕಾರ ಇದೆ ಎಂದು ಅವರು ಹೇಳಿದ್ದಾರೆ.