ಬಿ.ಸಿರೋಡ್: ರಸ್ತೆ ಬದಿ ಬಾಯ್ತೆರೆದಿದ್ದ ಅಪಾಯಕಾರಿ ಹೊಂಡಕ್ಕೆ ಬಿದ್ದ ಅಜ್ಜಿ, ಮಗು

•   Fri, Dec 21 2018 03:32:58 PM



• ಬಿ.ಸಿರೋಡ್, ಡಿ21(SS): ಬಿಸಿರೋಡ್ ಜಂಕ್ಷನ್ ಬಳಿ ಅಜಾಗರೂಕತೆ ಹಾಗೂ ನಿರ್ಲಕ್ಷ್ಯತನದಿಂದ ಹೊಂಡವೊಂದನ್ನು ತೆರೆಯಲಾಗಿದ್ದು ಭಾರೀ ಅಪಾಯಕ್ಕೆ ಕಾರಣವಾಗಿದೆ.

  

  

  

  ಪುತ್ತೂರು, ವಿಟ್ಲ ಭಾಗದಿಂದ ಬರುವ ಬಸ್ಸಿನಿಂದ ಬಿಸಿರೋಡಿನಲ್ಲಿ ಇಳಿಯುವ ಪ್ರಯಾಣಿಕರು ರಸ್ತೆ ಬದಿಯಲ್ಲಿರುವ ಇದೇ ಹೊಂಡದ ಬಳಿ ಇಳಿಯುತ್ತಿದ್ದು, ಅಪಾಯಕ್ಕೆ ಎಡೆಮಾಡಿಕೊಟ್ಟಿದೆ. ಇಂದು ಇಳಿ ವಯಸ್ಸಿನ ಅಜ್ಜಿಯೊಬ್ಬರು ವಿಟ್ಲದಿಂದ ಬಿಸಿರೋಡಿಗೆ ಬಂದಿದ್ದು, ಬಸ್ಸಿನಿಂದ ಇಳಿಯುವ ವೇಳೆ ಕಾಲು ಜಾರಿ ಮಗುವಿನ ಸಮೇತ ಹೊಂಡಕ್ಕೆ ಬಿದ್ದಿದ್ದಾರೆ.

  ಸ್ಥಳೀಯರು ತಕ್ಷಣ ಗಮನಿಸಿದ ಪರಿಣಾಮ ಅಜ್ಜಿ ಮತ್ತು ಮಗು ಅಪಾಯದಿಂದ ಪಾರಾಗಿದ್ದಾರೆ. ಇದೀಗ ಅಜಾಗರೂಕತೆ ಹಾಗೂ ನಿರ್ಲಕ್ಷ್ಯತನದಿಂದ ತೆರೆದಿರುವ ಹೊಂಡದ ಬಗ್ಗೆ ಸ್ಥಳೀಯರಿಂದ ಬಾರೀ ಆಕ್ರೋಶಕ್ಕೆ ಕಾರಣವಾಗಿದೆ.