ಮತ್ತೆ ಪೆಟ್ರೋಲ್, ಡೀಸಿಲ್ ದರ ಇಳಿಕೆ

•   Sat, Dec 22 2018 12:48:40 PM



• ನವದೆಹಲಿ,ಡಿ 22(MSP): ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲ ಬೆಲೆ ಇಳಿದಿರುವ ಹಿನ್ನಲೆಯಲ್ಲಿ ದೇಶದಲ್ಲಿ ಪೆಟ್ರೋಲ್ ದರದಲ್ಲಿ 19 ರಿಂದ 20 ಪೈಸೆ ಮತ್ತು ಡೀಸೆಲ್ ದರದಲ್ಲಿ 22 ಪೈಸೆಯಷ್ಟು ಇಳಿಕೆ ಕಂಡುಬಂದಿದೆ.

  

  ಈ ಹಿನ್ನಲೆಯಲ್ಲಿ ರಾಜಧಾನಿ ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರದಲ್ಲಿ 19 ಪೈಸೆಯಷ್ಟು ಇಳಿಕೆಗೊಂಡು, ಪೆಟ್ರೋಲ್‌ ದರ ಲೀಟರ್‌ಗೆ 70.81 ರೂಗೆ ಇಳಿಕೆಯಾಗಿದೆ. ಇದಲ್ಲದೆ ಡೀಸೆಲ್‌ ದರ 20 ಪೈಸೆ ಇಳಿಕೆ ಗೊಂದು ಪ್ರತಿ ಲೀಟರ್ ಪೆಟ್ರೋಲ್ ದರ 64.51 ರೂ ಆಗಿದೆ.

  ನವದೆಹಲಿಯಲ್ಲಿ ಲೀಟರ್‌ ಪೆಟ್ರೋಲ್‌ ದರ 70.27 ರೂ ಮತ್ತು ಡೀಸೆಲ್‌ ದರ 64.19 ರೂ ಆಗಿದೆ. ವಾಣಿಜ್ಯ ನಗರಿ ಮುಂಬಯಿಯಲ್ಲಿ ಇಂದಿನ ಪೆಟ್ರೋಲ್‌ ದರ 75.86 ರೂ ಡೀಸೆಲ್ ಬೆಲೆ 67.14 ರೂ ಗಳಾಗಿವೆ.
  ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಪ್ರತಿ ಬ್ಯಾರೆಲ್‌ಗೆ ಇಂದಿನ ಬೆಲೆ 3,240 ರೂ (5 ರೂ ಇಳಿಕೆ) ಆಗಿದೆ.