ಕೋಳಿ ಅಂಕದಲ್ಲಿ ಮರಣ ಹೊಂದಿದ ಅಂಕದ ಹುಂಜಕ್ಕೆ ಅಂತಿಮ ವಿಧಿವಿಧಾನ ನೆರವೇರಿಸಿದ ಕೃಷ್ಣ ಬಂಗೇರ

•   Tue, Dec 25 2018 12:17:20 PM



• ಪಡುಬಿದ್ರೆ, ಡಿ25(SS): ಕೋಳಿ ಅಂಕದಲ್ಲಿ ಕಾದಾಡಿ ಹಲವಾರು ಬಾರಿ ಜಯಗಳಿಸಿ ಸಾಧನೆ ಮಾಡಿದಂತಹ ಅಂಕದ ಕೋಳಿಯೊಂದಕ್ಕೆ ಅಂತಿಮ ವಿಧಿವಿಧಾನ ನಡೆಸಿದಂತಹ ಅಪರೂಪದ ಘಟನೆ ಪಡುಬಿದ್ರೆಯಲ್ಲಿ ನಡೆದಿದೆ.

  

  ಪಡುಬಿದ್ರಿ ಕೃಷ್ಣ ಬಂಗೇರರವರ ಅಂಕದ ಕೋಳಿ ಅಸುನೀಗಿದ್ದು, ಈ ಕೋಳಿಗೆ ಅಂತಿಮ ವಿಧಿವಿಧಾನ ನಡೆಸಲಾಗಿದೆ. ಮರಣ ಹೊಂದಿದ ವ್ಯಕ್ತಿಗೆ ಮಾಡುವಂತಹ ಎಲ್ಲಾ ರೀತಿಯ ಅಂತಿಮ ವಿಧಿವಿಧಾನಗಳನ್ನು ಕೃಷ್ಣ ಬಂಗೇರ ಅವರು ಸ್ವತಃ ತಮ್ಮ ಕೋಳಿಗೂ ಪ್ರೀತಿಯಿಂದ ನೆರವೇರಿಸಿದ್ದಾರೆ. 

  ತುಳುನಾಡಿನ ಜನಪದ ಸಂಸ್ಕೃತಿಯಲ್ಲಿ ಕೋಳಿ ಅಂಕಕ್ಕೆ (ಕೋರಿದ ಕಟ್ಟ)ತನ್ನದೇ ಅದ ಮಹತ್ವವಿದೆ. ಕೋಳಿ ಅಂಕ ಕೋಳಿಗಳ ಕಾದಾಟದ ಆಟ. ಎರಡು ಬಲಿಷ್ಠ ಹುಂಜಗಳ ಕಾಲಿಗೆ ಹರಿತವಾದ ಸಣ್ಣ ಕತ್ತಿ(ಬಾಳು ಕತ್ತಿ)ಗಳನ್ನು ಕಟ್ಟಿ ಅವುಗಳನ್ನು ಹೋರಾಟಕ್ಕೆ ಬಿಡುವುದನ್ನು ತುಳುನಾಡಿನಲ್ಲಿ ಕೋಳಿ ಅಂಕ ಎಂದು ಹೇಳುತ್ತಾರೆ.