ಮಂಗಳೂರು: ತಂಡದಿಂದ ಯುವಕನಿಗೆ ಜೀವಬೆದರಿಕೆ ಆರೋಪ- ದೂರು ದಾಖಲು

•   Wed, Dec 26 2018 11:39:52 AM



• ಮಂಗಳೂರು,ಡಿ 25 (MSP): ಬಿಜೆಪಿ ಪದಾಧಿಕಾರಿಯೊಬ್ಬ ತಂಡದೊಂದಿಗೆ ಬಂದು ಯುವಕನೊಬ್ಬನಿಗೆ ಹಲ್ಲೆ ನಡೆಸಿ, ಜೀವ ಬೆದರಿಕೆಯೊಡ್ಡಿದ ಘಟನೆ ಪಿವಿಎಸ್ ಬಳಿ ನಡೆದಿದೆ.

  

  ಕಚೇರಿಯಲ್ಲಿ ಕರ್ತವ್ಯ ನಿರತನಾಗಿದ್ದ ಸಂದರ್ಭದಲ್ಲಿ ನಾಲ್ಕುಜನ ತಂಡವಾಗಿ ಬಂದ ಆಗಮಿಸಿ ಅವಾಚ್ಯವಾಗಿ ನಿಂದಿಸಿ ಹಲ್ಲೆ ನಡೆಸಿ ಜೀವ ಬೆದರಿಕೆಯೊಡ್ಡಿದ್ದಾರೆ ಎಂದು ನಗರದ ಮಣ್ಣಗುಡ್ಡೆ ಬಲ್ಲಾಲ್ ಭಾಗ್ ಸೇಸಪ್ಪ ಕೌಂಪಾಂಡಿನ ಧೀರಜ್( 26) ಎಂಬವರು ಬರ್ಕೆ ಪೊಲೀಸರಿಗೆ ದೂರು ನೀಡಿದ್ದಾರೆ.

  ಧೀರಜ್ ಪಿವಿಎಸ್ ಬಳಿ ಇರುವ ಸಿಟಿ ಪ್ಲಾಜಾ ಬಿಲ್ಡಿಂಗ್ ನಲ್ಲಿರುವ ಲ್ಯಾಪ್ ಟಾಪ್ ಶೋರೂಂ ನಲ್ಲಿ ಸರ್ವಿಸ್ ಮತ್ತು ಸೇಲ್ಸ್ ಕೆಲಸವನ್ನು ಮಾಡುತ್ತಿದ್ದ ವೇಳೆ ರಕ್ಷಿತ್ ಕೊಟ್ಟಾರಿ, ರೋಹಿತ್ ಶೆಟ್ಟಿ, ಸೂರಜ್ ಕೊಟ್ಟಾರಿ ಮತ್ತು ದಿನೇಶ್ ಎಂಬವರು ಬಂದು ಹಲ್ಲೆ ಮಾಡಿ ಕೊಲೆ ಮಾಡುವ ಬೆದರಿಕೆ ಹಾಕಿದ್ದಾರೆ ಎಂದು ಧೀರಜ್ ದೂರಿನಲ್ಲಿ ತಿಳಿಸಿದ್ದಾರೆ.