ಕಾಸರಗೋಡು: ಬಾಲಕಿಗೆ ಲೈಂಗಿಕ ದೌರ್ಜನ್ಯ-ಆರೋಪಿಗೆ ಶಿಕ್ಷೆ ಪ್ರಕಟ

•   Tue, Apr 12 2022 08:21:43 PM



• ಕಾಸರಗೋಡು, ಏ 12 (DaijiworldNews/SM): ಏಳು ವರ್ಷದ ಬಾಲಕಿಗೆ ಅಶ್ಲೀಲ ವಿಡಿಯೋ ತೋರಿಸಿ ಕಿರುಕುಳಕ್ಕೆ ಯತ್ನಿಸಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಜಿಲ್ಲಾ ಸೆಷನ್ಸ್ ಹಾಗೂ ಹಾಗೂ ಹೆಚ್ಚುವರಿ ನ್ಯಾಯಾಲಯ ಏಳು ವರ್ಷ ಕಠಿಣ ಸಜೆ ಮತ್ತು 60 ಸಾವಿರ ರೂಪಾಯಿ ದಂಡ ವಿಧಿಸಿ ತೀರ್ಫು ನೀಡಿದೆ.

  ಪಡ್ರೆ ವಾಣಿನಗರದ ರಾಜೇಶ್ ನಾಯ್ಕ್(42) ಶಿಕ್ಷೆಗೊಳಗಾದವನು. ಪೋಕ್ಸೋ ಕಾಯ್ದೆಯಂತೆ ಶಿಕ್ಷೆ ವಿಧಿಸಲಾಗಿದೆ. 2016ರ ಡಿಸೆಂಬರ್ 9ರಂದು ಘಟನೆ ನಡೆದಿತ್ತು. ಬದಿಯಡ್ಕ ಠಾಣಾ ವ್ಯಾಪ್ತಿಯ ಏಳು ವರ್ಷದ ಬಾಲಕಿಯ ಕಿರುಕುಳಕ್ಕೆ ಯತ್ನಿಸಲಾಗಿತ್ತು.

  ರಾಜೇಶ್ ನಾಯ್ಕ್ ಬಾಲಕಿಗೆ ಆಮಿಷ ತೋರಿಸಿ ಕರೆದುಕೊಂಡು ಹೋಗಿ ಅಶ್ಲೀಲ ವಿಡಿಯೋ ತೋರಿಸಿ ಕಿರುಕುಳಕ್ಕೆ ಯತ್ನಿಸಿರುವುದಾಗಿ ದೂರು ದಾಖಲಿಸಲಾಗಿತ್ತು.