ಕಾಸರಗೋಡು: ಸರ್ವಿಸ್ ಸೆಂಟರ್'ನಿಂದ ನಗದು ಎಗರಿಸಿ ಸಿಕ್ಕಿಬಿದ್ದ ಕಳ್ಳಿ.!

•   Thu, Apr 21 2022 09:10:45 AM



• ಕಾಸರಗೋಡು, ಏ 21 (DaijiworldNews/MS): ಕಾರು ಸರ್ವಿಸ್ ಸೆಂಟರ್ ನಿಂದ ಹಾಡ ಹಗಲೇ ನಗದು ಕಳವುಗೈದ ಘಟನೆಯೊಂದು ಕಾಸರಗೋಡಿನ ಮಾಣಿ ಕ್ಕೋತ್ ನಲ್ಲಿ ನಡೆದಿದ್ದು, ಘಟನೆಗೆ ಸಂಬಂಧ ಪಟ್ಟಂತೆ ಅಲೆಮಾರಿ ಮಹಿಳೆಯೋರ್ವಳನ್ನು ಹೊಸದುರ್ಗ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

  ತಮಿಳು ನಾಡು ಗುಂಡಲ್ ಪೇಟೆಯ ಶಿವಕಾಮಿ ಬಂಧಿತ ಮಹಿಳೆ. ಮಣಿಕ್ಕೋತ್ ಪೇಟೆಯಲ್ಲಿ ಕಾರ್ಯಾಚರಿಸುತ್ತಿರುವ ವಿನೋದ್ ಎಂಬವರ ಮಾಲಕತ್ವದ ಕಾರು ಸರ್ವಿಸ್ ಸೆಂಟರ್ ನಿಂದ ಹಾಡ ಹಗಲೇ 50 ಸಾವಿರ ರೂ. ನಗದು ಕಳವು ಮಾಡಿದ ಪ್ರಕರಣಕ್ಕೆ ಸಂಬಂಧ ಪಟ್ಟಂತೆ ಈಕೆಯನ್ನು ಬಂಧಿಸಲಾಗಿದೆ.

  ಸರ್ವಿಸ್ ಸೆಂಟರ್ ನ ಇನ್ನೊಂದು ಕೋಣೆಯಲ್ಲಿ ಇಡಲಾಗಿದ್ದ ನಗದನ್ನು ಕಳವು ಮಾಡಲಾಗಿತ್ತು. ಬ್ಯಾಗ್ ನಲ್ಲಿದ್ದ ನಗದು ನಾಪತ್ತೆಯಾದ ಹಿನ್ನಲೆಯಲ್ಲಿ ಸಿ ಸಿ ಟಿ ವಿ ಕ್ಯಾಮಾರ ವನ್ನು ಪರಿಶೀಲಿಸಿದಾಗ ಮಹಿಳೆಯೊಬ್ಬಳು ನಗದು ಕಳವು ಮಾಡುತ್ತಿರುವುದು ಕಂಡುಬಂದಿದೆ . ಈ ಬಗ್ಗೆ ಹೊಸ ದುರ್ಗ ಪೊಲೀಸರಿಗೆ ದೂರು ನೀಡಲಾಗಿತ್ತು ಈ ಅಲೆಮಾರಿ ಮಹಿಳೆ ಚೆರ್ವ ತ್ತೂರಿ ನಲ್ಲಿ ವಾಸವಾಗಿರುವ ಅಲೆಮಾರಿ ತಂಡದವಳೆಂದು ಗುರುತು ಪತ್ತೆ ಹಚ್ಚಿದ ಪೊಲೀಸರು ಕೃತ್ಯ ನಡೆದು ಗಂಟೆಗಳ ಅವಧಿಯಲ್ಲೇ ಆರೋಪಿ ಮಹಿಳೆಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.