ಕಾಸರಗೋಡು: ಹೊಸವರ್ಷಾಚರಣೆ ನೆಪದಲ್ಲಿ ರಸ್ತೆ ತಡೆ -ಸ್ಥಳಕ್ಕೆ ಬಂದ ಎ.ಎಸ್.ಐ ಮೇಲೆ ಹಲ್ಲೆ - ಗಂಭೀರ

•   Tue, Jan 01 2019 10:49:26 AM



• ಕಾಸರಗೋಡು,ಜ 01(MSP): ಹೊಸ ವರ್ಷಾಚರಣೆ ನೆಪದಲ್ಲಿ ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿದ್ದ ತಂಡವನ್ನು ಚದುರಿಸಲು ಯತ್ನಿಸುತ್ತಿದ್ದಾಗ ಬೇಕಲ್ ಠಾಣಾ ಎ.ಎಸ್.ಐಗೆ ತಂಡವೊಂದು ಇರಿದು ಗಂಭೀರ ಗಾಯಗೊಳಿಸಿದ ಘಟನೆ ಜ 1ರ ಮುಂಜಾನೆ ನಡೆದಿದೆ.

  

  ಬೇಕಲ ಠಾಣಾ ಎ.ಎಸ್.ಐ ಜಯರಾಜ್ ಇರಿತಕ್ಕೊಳಗಾದವರು . ಗಂಭೀರ ಗಾಯಗೊಂಡ ಜಯರಾಜ್ ಅವರನ್ನು ಮಂಗಳೂರಿನ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

  ಇಂದು ಮುಂಜಾನೆ ನಡೆದ ಘಟನೆ ನಡೆದಿದ್ದು, ಹೊಸವರ್ಷಾಚರಣೆ ನೆಪದಲ್ಲಿ ರಸ್ತೆ ತಡೆ ನಡೆಸುತ್ತಿದ್ದ ಗುಂಪನ್ನು ಚದುರಿಸಲೆತ್ನಿಸಿದಾಗ ತಂಡವೊಂದು ಅವರಿಗೆ ಇರಿದಿದೆ. ಬೇಕಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರಿಂದ ತನಿಖೆ ಕೈಗೆತ್ತಿಕೊಂಡಿದ್ದಾರೆ