ಬಂಟ್ವಾಳ: ಪೌರ ಕಾರ್ಮಿಕ ಮಹಿಳೆಗೆ ಹಲ್ಲೆ ನಡೆಸಿದ ಪೌರ ಕಾರ್ಮಿಕ

•   Mon, May 02 2022 10:17:07 PM



• ಬಂಟ್ವಾಳ, ಮೇ 02 (DaijiworldNews/SM): ಪುರಸಭೆಯ ಪೌರ ಕಾರ್ಮಿಕ ಮಹಿಳೆಗೆ ಪೌರಕಾರ್ಮಿಕನೋರ್ವ ಹಲ್ಲೆ ನಡೆಸಿದ ಘಟನೆ ಪುರಸಭಾ ವ್ಯಾಪ್ತಿಯ ತ್ಯಾಗರಾಜ ರಸ್ತೆಯಲ್ಲಿ ನಡೆದಿದೆ.

  ಪೌರ ಕಾರ್ಮಿಕೆ ಸರೋಜ(30) ಎಂಬವರಿಗೆ ಪೌರ ಕಾರ್ಮಿಕ ವಿನೋದ್ ಗುಡಿಸಲು ಉಪಯೋಗಿಸುವ ಪೊರಕೆ ಕೋಲಿನಿಂದ ಹಲ್ಲೆ ನಡೆಸಿದ್ದಾನೆ ಎನ್ನಲಾಗಿದ್ದು, ಆಸ್ಪತ್ರೆಯಲ್ಲಿ ಹೊರರೋಗಿಯಾಗಿ ದಾಖಲಾಗಿದ್ದಾರೆ.

  ಬೇರೆ ಊರಿನಿಂದ ಬಂದು ಇಲ್ಲಿ ಕೆಲಸ ಮಾಡಬಾರದು ನೀನು ಕೆಲಸ ಬಿಟ್ಟು ತೊಲಗಬೇಕು ಎಂದು ಸ್ಥಳೀಯ ಪೌರ ಕಾರ್ಮಿಕ ಬೆದರಿಕೆ ಹಾಕುತ್ತಿದ್ದು, ಇಂದು ಬೆಳಿಗ್ಗೆ ಸರೋಜ ಅವರು ಕರ್ತವ್ಯ ದಲ್ಲಿರುವ ವೇಳೆ ವಿನೋದ್ ಹಲ್ಲೆ ನಡೆಸಿದ್ದಾನೆ ಎಂದು ದೂರು ನೀಡಿದ್ದಾರೆ.

  ಬಂಟ್ವಾಳ ನಗರ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.