ಉಡುಪಿ: ಭಜನೆ ಒಳ್ಳೆಯ ಸಂಪ್ರದಾಯ-ಸಂಘರ್ಷ ಉಚಿತವಲ್ಲ-ಶಾಸಕ ಭಟ್

•   Wed, May 04 2022 09:48:50 PM



• ಉಡುಪಿ, ಮೇ 04 (DaijiworldNews/SM): ಆಝಾನ್ ವರ್ಸಸ್ ಭಜನೆ - ಶ್ರೀರಾಮಸೇನೆ ಹೋರಾಟ ವಿಚಾರಕ್ಕೆ ಸಂಬಂಧಿಸಿದಂತೆ ಉಡುಪಿ ಶಾಸಕ ರಘುಪತಿ ಭಟ್ ಪ್ರತಿಕ್ರಿಯೆ ನೀಡಿದ್ದಾರೆ. ಭಜನೆ ಮಾಡುವುದು ಒಳ್ಳೆಯ ಸಂಪ್ರದಾಯವಾಗಿದೆ. ಭಜನೆ ಹಿಂದಿನಿಂದಲೂ ನಡೆದುಕೊಂಡು ಬಂದ ಸಂಪ್ರದಾಯವಾಗಿದೆ. ಆದರೆ ಸಂಘರ್ಷ ಮಾಡುವುದು ಅಷ್ಟು ಸೂಕ್ತವಲ್ಲ ಎಂದಿದ್ದಾರೆ.

  ಮಸೀದಿಗಳ ಎದುರು ಭಜನೆ ಮಾಡಿದರೆ ಸಂಘರ್ಷಕ್ಕೆ ಕಾರಣವಾಗಬಹುದು. ಶಬ್ದ ನಿಯಂತ್ರಣದ ಬಗ್ಗೆ ಸುಪ್ರೀಂಕೋರ್ಟ್ ಆದೇಶ ಇದೆ. ಈ ಆದೇಶವನ್ನು ಸರಕಾರ ಕಟ್ಟುನಿಟ್ಟಾಗಿ ಪಾಲಿಸುತ್ತದೆ. ಮಸೀದಿಗಳ ಎದುರು ಸಂಘರ್ಷಕ್ಕಿಳಿಯೋದು ಸೌಹಾರ್ದ ದೃಷ್ಟಿಯಿಂದ ಒಳ್ಳೆಯದಲ್ಲ. ಬಹಳ ವರ್ಷಗಳಿಂದ ಮೈಕ್ ಅಳವಡಿಸಿರುವ ಕಾರಣ ಸ್ವಲ್ಪ ಸಮಯ ಹಿಡಿಯುತ್ತದೆ. ಮನವೊಲಿಸಿ ಕೊಂಡು ನಿರ್ವಹಿಸಬೇಕಾಗುತ್ತದೆ. ಬಹಳ ಕಡೆ ಸಮಸ್ಯೆ ಬಗೆಹರಿದಿದೆ. ಉಡುಪಿಯಲ್ಲಿ ಸೌಂಡ್ ಕಡಿಮೆ ಮಾಡಿದ್ದಾರೆ. ಮೈಕ್ ತೆಗೆಯದೆ ಇರಬಹುದು. ಸುಪ್ರೀಂಕೋರ್ಟ್ ಆದೇಶ ಎಲ್ಲಾ ಧರ್ಮದವರಿಗೂ ಅನ್ವಯ ಆಗುತ್ತೆ. ಆದೇಶವನ್ನು ಪಾಲಿಸಲಾಗುತ್ತದೆ.