ಮಂಗಳೂರು: ಕೊರಗಜ್ಜ ಭಕ್ತಿಗೀತೆ ಪ್ರಸಾರ - ಪರಿಶೀಲಿಸಿ ಕ್ರಮ ಎಂದ ಪೊಲೀಸ್ ಆಯುಕ್ತರು

•   Tue, May 10 2022 09:47:48 AM



• ಮಂಗಳೂರು, ಮೇ 10 (DaijiworldNews/MS): ಆಜಾನ್ ಗೆ ಪ್ರತಿಯಾಗಿ ಮೇ 9ರಿಂದ ಬೆಳಗ್ಗೆ ಧ್ವನಿವರ್ಧಕಗಳ ಮೂಲಕ ಸುಪ್ರಭಾತ, ಭಕ್ತಿಗೀತೆ ಹಾಕುವಂತೆ ಶ್ರೀರಾಮ ಸೇನೆ ನೀಡಿದ ಕರೆಗೆ ಮಂಗಳೂರಿನಲ್ಲಿ ಹೆಚ್ಚಿನ ಸ್ಪಂದನೆ ಸಿಕ್ಕಿಲ್ಲ. ಆದರೆ ಸೋಮವಾರ ಕಮಿಷನರೇಟ್ ವ್ಯಾಪ್ತಿಯ ಒಂದು ಕಡೆ ಕೊರಗಜ್ಜನ ಭಕ್ತಿಗೀತೆಗಳು ಮೊಳಗಿದವು ಎಂದು ತಿಳಿದುಬಂದಿದೆ.

  ಕಾವೂರು ಪೊಲೀಸ್ ಠಾಣಾ ವ್ಯಾಪ್ತಿಯ ಮೂಡುಶೆಡ್ಡೆ ಗ್ರಾಮದ ಶಿವಾಜಿ ಪ್ರತಿಮೆ ಬಳಿಯ ತಾತ್ಕಾಲಿಕ ಅಯ್ಯಪ್ಪ ಭಕ್ತರ ಶಿಬಿರದಲ್ಲಿ ತುಳುನಾಡು ಆರಾಧ್ಯ ದೈವ ಕೊರಗಜ್ಜನ ಭಕ್ತಿಗೀತೆಗಳನ್ನು ನುಡಿಸಿರುವುದು ಬೆಳಕಿಗೆ ಬಂದಿದೆ. ಬೆಳಗ್ಗೆ 5.10ರಿಂದ 40 ನಿಮಿಷಗಳ ಕಾಲ ಹಾಡುಗಳನ್ನು ನುಡಿಸಲಾಗಿದೆ ಎಂದು ತಿಳಿದುಬಂದಿದೆ .ಆದರೆ ತನಿಖೆಯ ನಂತರ ಅಗತ್ಯವಿದ್ದಲ್ಲಿ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು.ನಗರ ವ್ಯಾಪ್ತಿಯಲ್ಲಿ ಬೇರೆ ಮಸೀದಿ ಅಥವಾ ಮುಸ್ಲಿಮರ ಧಾರ್ಮಿಕ ಸ್ಥಳಗಳ ಬಳಿ ಯಾವುದೇ ಚಟುವಟಿಕೆ ಗಮನಕ್ಕೆ ಬಂದಿಲ್ಲ ಎಂದು ನಗರ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ತಿಳಿಸಿದ್ದಾರೆ.