ಉಡುಪಿ: ದೇವಳದಲ್ಲಿ ಕಳವುಗೈದಿದ್ದ ಆರೋಪಿಯ ಬಂಧನ

•   Sat, May 21 2022 03:25:44 PM



• ಉಡುಪಿ, ಮೇ 21(DaijiworldNews/DB): ಹಿರೇಬೆಟ್ಟುವಿನ ದೇವಸ್ಥಾನವೊಂದರಲ್ಲಿ ದೇವರ ಪೂಜಾ ಸಂಬಂಧಿಸಿದ ವಸ್ತುಗಳನ್ನು ಕಳವುಗೈದಿದ್ದ ಆರೋಪಿಯನ್ನು ಮಣಿಪಾಲ ಪೊಲೀಸರು ಬಂಧಿಸಿದ್ದಾರೆ.

  

  ಹಿರೇಬೆಟ್ಟು ನಿವಾಸಿ ಭಾಸ್ಕರ ಶೆಟ್ಟಿ (49) ಬಂಧಿತ ಆರೋಪಿ. ಪಂಚಲೋಹದ ಪ್ರತಿರೂಪ, ಆರತಿ ತಟ್ಟೆ, ಹಿತ್ತಾಳೆ ವಸ್ತುಗಳು ಮತ್ತು ಬೀಡು ಮನೆಬಲಕಟ್ಟು ದೇವಳದ ಗಂಟೆಯನ್ನು ಈತ ಕಳವುಗೈದಿದ್ದ. ಎಲ್ಲಾ ವಸ್ತುಗಳು ಸೇರಿ ಒಟ್ಟು 50, 000 ರೂ. ಬೆಲೆ ಬಾಳುವಂತದ್ದಾಗಿವೆ.

  ಆರೋಪಿಯನ್ನು ಪೊಲೀಸರು ನ್ಯಾಯಾಲಯಕ್ಕೆ ಕರೆದೊಯ್ದಿದ್ದು, ಆತನಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.