ಬಂಟ್ವಾಳ: ಬಾವಿಗೆ ಬಿದ್ದು ನವವಿವಾಹಿತೆ ಸಾವು

•   Mon, May 30 2022 08:52:47 AM



• ಬಂಟ್ವಾಳ, ಮೇ 30 (DaijiworldNews/MS): ತೆರೆದ ಬಾವಿಯಿಂದ ನೀರು ಸೇದಲು ಹೋಗಿದ್ದ ನವ ವಿವಾಹಿತೆ ಆಕಸ್ಮಿಕವಾಗಿ ಬಾವಿಗೆ ಬಿದ್ದು ಮೃತಪಟ್ಟ ಘಟನೆ ಭಾನುವಾರ ಕಲ್ಲಡ್ಕದ ಕೆ.ಸಿ.ರೋಡು ಬಳಿ ನಡೆದಿದೆ.

  ಮೃತರನ್ನು ಕೆ.ಸಿ. ರೋಡು ನಿವಾಸಿ, ಇಬ್ರಾಹಿಂ ತೌಸೀರ್‌ ಅವರ ಪತ್ನಿ ಮುನೀಝಾ(20) ಎಂದು ಗುರುತಿಸಲಾಗಿದೆ.

  ಮೂಲತಃ ಬಿ.ಸಿ.ರೋಡಿನ ತಲಪಾಡಿ ನಿವಾಸಿ, ಫರಂಗಿಪೇಟೆ ಸಮೀಪದ ಅಮ್ಮೆಮ್ಮಾರ್‌ನಲ್ಲಿ ವಾಸವಿದ್ದ ಮುಹಮ್ಮದ್‌ ಅವರ ಪುತ್ರಿಯಾಗಿರುವ ಮುನೀಝಾ ಅವರನ್ನು ಎರಡು ತಿಂಗಳ ಹಿಂದೆಯಷ್ಟೇ ಇಬ್ರಾಹಿಂ ತೌಸೀರ್‌ಗೆ ವಿವಾಹ ಮಾಡಿಕೊಡಲಾಗಿತ್ತು.

  ಮುನೀಝಾ ಭಾನುವಾರ ಬೆಳಗ್ಗೆ ಮನೆಗೆ ನೀರು ತರುವುದಕ್ಕಾಗಿ ಹೋದಾಗ ಆಕಸ್ಮಿಕವಾಗಿ ಕಾಲು ಜಾರಿ ನೀರಿಗೆ ಬಿದ್ದು ಮೃತಪಟ್ಟಿದ್ದಾರೆ. ಬಂಟ್ವಾಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.