ಮಂಗಳೂರು: ಎಸ್‌ಡಿಪಿಐ ಸಮಾವೇಶದ ವೇಳೆ ಪೊಲೀಸರಿಗೆ ನಿಂದನೆ-ಮತ್ತೆ ಆರು ಮಂದಿಯ ಬಂಧನ

•   Wed, Jun 01 2022 10:49:47 AM



• ಮಂಗಳೂರು, ಜೂ 01 (DaijiworldNews/DB): ಎಸ್‌ಡಿಪಿಐ ಸಮಾವೇಶದ ವೇಳೆ ಪೊಲೀಸರನ್ನು ನಿಂದಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತೆ ಆರು ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಒಟ್ಟು ಬಂಧಿತರ ಸಂಖ್ಯೆ 15ಕ್ಕೆ ಏರಿಕೆಯಾಗಿದೆ.

  

  

  
  
  ವೀಡಿಯೋ ಮಾಡಿ ವೈರಲ್‌ ಮಾಡಿದ ಗುರುಪುರದ ಸಫ್ವಾನ್‌ (26), ಗುರುಪುರದ ಆಟೋ ಚಾಲಕ ಅಬ್ದುಲ್‌ ಸಲಾಂ (23), ಸೂರಲ್ಪಾಡಿಯ ಮೊಹಮ್ಮದ್ ಹುನೈಜ್ (23), ಬಸ್‌ ಚಾಲಕ ಗುರುಪುರದ ಮೊಹಮ್ಮದ್‌ ಸಾಹಿಲ್‌ (23), ಆಟೋ ಚಾಲಕ ಗುರುಪುರದ ಮೊಹಮ್ಮದ್ ಫಲಾಹ್ (20) ಮತ್ತು ಮೈಸೂರಿನಲ್ಲಿ ಬೇಕರಿಯಲ್ಲಿ ಕೆಲಸ ಮಾಡುತ್ತಿರುವ ಇನೋಳಿಯ ಅಬ್ದುಲ್‌ ಲತೀಫ್‌ (31) ಬಂಧಿತರು.

  ಮೇ 27ರಂದು ನಡೆದ ಎಸ್‌ಡಿಪಿಐ ಸಮಾವೇಶದ ವೇಳೆ ಘಟನೆ ನಡೆದಿತ್ತು. ಯುವಕರ ಗುಂಪೊಂದು ಪೊಲೀಸರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿಕೊಂಡು ಬೈಕ್‌ಗಳಲ್ಲಿ ವೇಗವಾಗಿ ಚಲಿಸುತ್ತಿದ್ದ ದೃಶ್ಯ ವೈರಲ್‌ ಆಗಿತ್ತು. ಘಟನೆ ಸಂಬಂಧಿಸಿ 9 ಮಂದಿಯನ್ನು ಮಂಗಳವಾರ ಪೊಲೀಸರು ಬಂಧಿಸಿದ್ದರು.