ಮಂಗಳೂರು: ಹಿಟ್‌ ಆ್ಯಂಡ್ ರನ್‌ - ಗಾಯಾಳು ಸವಾರರನ್ನು ಕಂಡು ಕಾರಿನಲ್ಲಿದ್ದವರು ಪರಾರಿ.!

•   Fri, Jun 03 2022 02:16:20 PM



• ಮಂಗಳೂರು, ಜೂ 03 (DaijiworldNews/MS): ದ್ವಿಚಕ್ರವಾಹನಕ್ಕೆ ಅತಿವೇಗದಿಂದ ಬಂದ ಕಾರೊಂದು ಹಿಂಬದಿಯಿಂದ ಢಿಕ್ಕಿ ಹೊಡೆದು ಪರಾರಿಯಾದ ಘಟನೆ ಜೂ.2ರ ರಾತ್ರಿ ನಡೆದಿದೆ. ಘಟನೆಯಲ್ಲಿ ಮೇರೆಮಜಲು ನಿವಾಸಿ ಸವಾರ, ಮೆರ್ವಿನ್ ಪಿಂಟೋ (32) ಗಂಭೀರವಾಗಿ ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

  
  ಘಟನಾ ಸ್ಥಳ

  ಮೆರ್ವಿನ್ ಪಿಂಟೋ ತಮ್ಮ ದ್ವಿಚಕ್ರ ವಾಹನದಲ್ಲಿ ಫರಂಗಿಪೇಟೆಯ ತಮ್ಮ ಮನೆಗೆ ತೆರಳುತ್ತಿದ್ದಾಗ , ಪಡೀಲ್‌ ನಲ್ಲಿ ಅತೀ ವೇಗದಲ್ಲಿ ಬಂದ ಕಾರು ಹಿಂಬದಿಯಿಂದ ಡಿಕ್ಕಿ ಹೊಡೆದಿದೆ. ಅಪಘಾತದಿಂದ ಮೆರ್ವಿನ್ ಪಿಂಟೋ ರಸ್ತೆಗೆ ಎಸೆಯಲ್ಪಟ್ಟು ಗಂಭೀರ ಗಾಯಗೊಂಡಿದ್ದರು. ಕಾರು ಅಪಘಾತದ ಸ್ಥಳದಿಂದ ಸ್ವಲ್ಪ ದೂರದಲ್ಲಿ ನಿಂತಿದ್ದು, ಅದರಲ್ಲಿದ್ದ ಮೂವರು ಕಾರಿನಿಂದ ಇಳಿದು ರಸ್ತೆಯಲ್ಲಿ ಬಿದ್ದಿದ್ದ ಮೆರ್ವಿನ್ ಪಿಂಟೋ ಗಾಯಗಳನ್ನು ಗಮನಿಸಿ ಸಹಾಯ ಮಾಡದೆ ಸ್ಥಳದಿಂದ ಪರಾರಿಯಾಗಿದ್ದಾರೆ.

  ಸ್ಥಳೀಯರು ಮರ್ವಿನ್ ಅವರನ್ನು ಗಮನಿಸಿ ಕಣ್ಣೂರಿನ ಖಾಸಗಿ ಆಸ್ಪತ್ರೆಗೆ ರವಾನಿಸಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.ಈ ಕುರಿತು ನಾಗುರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.