ಪುತ್ತೂರು: ಕಾರು ಪಲ್ಟಿ - ಮೂವರಿಗೆ ಗಾಯ

•   Tue, Jan 15 2019 10:29:08 AM



• ಪುತ್ತೂರು,ಜ 15 (MSP): ನೆಟ್ಟಣಿಗೆ ಮುಡ್ನೂರು ಗ್ರಾಮದ ಸಾಂತ್ಯ ಎಂಬಲ್ಲಿ ಕಾವು-ಈಶ್ವಮಂಗಲ ರಸ್ತೆಯಲ್ಲಿ ಸೋಮವಾರ ಮಧ್ಯಾಹ್ನ ಆಲ್ಟೋ ಕಾರೊಂದು ಚಾಲಕನ ಹತೋಟಿ ತಪ್ಪಿ ಪಲ್ಟಿಯಾದ ಪರಿಣಾಮ ಇಬ್ಬರು ಮಹಿಳೆಯರ ಸಹಿತ ಮೂವರು ಗಾಯಗೊಂಡಿದ್ದಾರೆ.

  

  
  ಕಾರು ಚಾಲಕ ಪುತ್ತೂರು ತಾಲ್ಲೂಕಿನ ಮಾಡ್ನೂರು ಗ್ರಾಮದ ನೆಕ್ಕರೆ ನಿವಾಸಿ ಅಬ್ದುಲ್ ಅಝೀಝ್(35), ಅವರ ತಾಯಿ ಬಿ. ಫಾತಿಮಾ (81) ಹಾಗೂ ನಝೀಮುನ್ನೀಸ (45) ಎಂಬವರು ಗಾಯಗೊಂಡಿದ್ದಾರೆ.ಗಾಯಾಳುಗಳನ್ನು ಪುತ್ತೂರಿನ ಖಾಸಗಿ ಆಸ್ಪತ್ರೆಯೊಂದಕ್ಕೆ ದಾಖಲಿಸಲಾಗಿದೆ.

  ಈಶ್ವರಮಂಗಲ ಕಡೆಯಿಂದ ಕಾವು ಕಡೆಗೆ ತೆರಳುತ್ತಿದ್ದ ಕೇರಳ ನೋಂದಣಿಯ ಆಲ್ಟೋ ಕಾರು ಸಾಂತ್ಯ ತಿರುವು ರಸ್ತೆಯ ಬಳಿ ಪಲ್ಟಿಯಾಗಿದೆ. ಪಲ್ಟಿಯಾಗಿ ಉಲ್ಟಾ ಹೊಡೆದು ನಿಂತ ಕಾರಿನೊಳಗಿದ್ದ ಮಗು ಹಾಗೂ ಗಾಯಾಳುಗಳನ್ನು ಸ್ಥಳೀಯರು ಕಾರಿನೊಳಗಿಂದ ಹೊರ ತೆಗೆದು ಅಪಾಯದಿಂದ ಪಾರು ಮಾಡಿದ್ದಾರೆ. ಕಾರಿನೊಳಗಿದ್ದ ಮಗು ಯಾವುದೇ ಗಾಯಗಳಿಲ್ಲದೆ ಅಪಾಯದಿಂದ ಪಾರಾಗಿದೆ.