ಬೈಕ್ ನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ವಿದೇಶಿ ಪ್ರವಾಸಿಗನ ಮೇಲೆ ಕಾಡುಕೋಣ ದಾಳಿ

•   Thu, Jan 17 2019 09:03:46 PM



• ಕಾರ್ಕಳ, ಜ 17(SM): ಕಾಡುಕೋಣವೊಂದರ ದಾಳಿ ನಡೆಸಿದ ಪರಿಣಾಮ ಜರ್ಮನ್ ಮೂಲದ ಪ್ರವಾಸಿಗರೊಬ್ಬರು ಗಾಯಗೊಂಡು ನಗರದ ಖಾಸಗಿ ಆಸ್ಪತ್ರೆಯೊಂದರಲ್ಲಿ ದಾಖಲಾದ ಘಟನೆ ಬಜಗೋಳಿ-ಕುದುರೆಮುಖ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಗುರುವಾರ ಸಂಜೆ ವೇಳೆ ನಡೆದಿದೆ.

  

  

  ಜರ್ಮನಿನ ಫ್ರಾಂಕ್(50) ಘಟನೆಯಲ್ಲಿ ಗಾಯಗೊಂಡವರು. ಗುರುವಾರ ಸುಮಾರು 4.30ಕ್ಕೆ ಕುದುರೆಮುಖಕ್ಕೆ ಹೋಗುತ್ತಿದ್ದಾಗ ಮಾಳ ಎಸ್.ಕೆ. ಬಾರ್ಡರ್‌ನ ಮೂಲಕ ಹಾದುಹೋಗುತ್ತಿದ್ದಾಗ ಈ ಘಟನೆ ನಡೆದಿದೆ.

  ಕಾಡುಕೋಣವೊಂದು ರಸ್ತೆ ದಾಟುವ ಭರದಲ್ಲಿ ಬೈಕ್‌ಗೆ ಡಿಕ್ಕಿ ಹೊಡೆದ ಪರಿಣಾಮವಾಗಿ ವಿದೇಶಿ ಪ್ರವಾಸಿಗ ಫ್ರಾಂಕ್ ಗಾಯಗೊಂಡಿದ್ದಾರೆ.

  
  ಮಾಹಿತಿ ತಿಳಿಯುತ್ತಿದ್ದಂತೆ ಘಟನಾ ಸ್ಥಳಕ್ಕೆ ತೆರಳಿದ ಗ್ರಾಮಾಂತರ ಠಾಣಾ ಪೊಲೀಸರು ೧೦೮ ಅಂಬುಲೆನ್ಸ್ ಮೂಲಕ ಗಾಯಾಳುವನ್ನು ಕಾರ್ಕಳ ತಾಲೂಕು ಸರಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ.