ಮಂಗಳೂರು: ಪ್ರತಿಕೂಲ ಹವಾಮಾನ-ವಿಮಾನ ಸಂಚಾರದಲ್ಲಿ ವ್ಯತ್ಯಯ

•   Tue, Jul 05 2022 01:23:00 PM



• ಮಂಗಳೂರು, ಜು 05 (DaijiworldNews/DB): ಧಾರಾಕಾರ ಮಳೆಯಿಂದಾಗಿ ಹವಾಮಾನದಲ್ಲಿ ಪ್ರತಿಕೂಲ ಪರಿಸ್ಥಿತಿ ಉಂಟಾದ ಕಾರಣ ವಿಮಾನಗಳ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಿದೆ.

  ದುಬೈಯಿಂದ ಬೆಳಗ್ಗೆ 4.40ಕ್ಕೆ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಬೇಕಿದ್ದ ಐಎಕ್ಸ್‌ 0384 ದುಬೈ-ಮಂಗಳೂರು ವಿಮಾನವು ಪ್ರತಿಕೂಲ ಹವಾಮಾನ ಇದ್ದ ಕಾರಣ ಮಂಗಳೂರು ನಿಲ್ದಾಣದಲ್ಲಿ ಇಳಿಯದೆ ಬೆಂಗಳೂರಿಗೆ ತೆರಳಿ ಬಳಿಕ ತಡವಾಗಿ ಬೆಳಗ್ಗೆ 8.49ಕ್ಕೆ ಮಂಗಳೂರು ವಿಮಾನ ನಿಲ್ದಾಣಕ್ಕೆ ಬಂದಿಳಿಯಿತು. ದಮನ್‌ನಿಂದ ಬೆಳಗ್ಗೆ 5.05ಕ್ಕೆ ಬರಬೇಕಿದ್ದ ಐಎಕ್ಸ್‌ 0886 ವಿಮಾನವು ಪ್ರತಿಕೂಲ ಹವಾಮಾನ ಕಾರಣದಿಂದ ಬೆಂಗಳೂರಿಗೆ ತೆರಳಿದ್ದು, ಮಧ್ಯಾಹ್ನ 3.10ಕ್ಕೆ ಆಗಮಿಸುವ ನಿರೀಕ್ಷೆ ಇದೆ.

  ಬಹ್ರೈನ್-ಕಣ್ಣೂರು-ಮಂಗಳೂರು ನಡುವೆ ಸಂಚರಿಸುವ ಐಎಕ್ಸ್‌ 0383 ವಿಮಾನವು ನಿರ್ಗಮಿಸುವ ಸಮಯ ಸಂಜೆ 7.10 ಆಗಿದ್ದು, ಪ್ರತಿಕೂಲ ಹವಾಮಾನ ಪರಿಸ್ಥಿತಿ ಹಿನ್ನೆಲೆಯಲ್ಲಿ ತಡವಾಗಿ 10.50ಕ್ಕೆ ಹೊರಡುವ ಸಾಧ್ಯತೆ ಇದೆ.