ವಿಟ್ಲ: ಜಾತ್ರೋತ್ಸವ ನಡೆಯುತ್ತಿದ್ದ ಗದ್ದೆಗೆ ಬೆಂಕಿ, ಎಚ್ಚೆತ್ತ ಸಾರ್ವಜನಿಕರು

•   Mon, Jan 21 2019 09:07:29 PM



• ವಿಟ್ಲ, ಜ 21(SM): ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ನಿಂದಾಗಿ ಗದ್ದೆಗೆ ಬೆಂಕಿ ತಗುಲಿರುವ ಘಟನೆ ವಿಟ್ಲ-ಕಾಸರಗೋಡು ರಸ್ತೆಯ ಬಾಕಿಮಾರು ಎಂಬಲ್ಲಿ ನಡೆದಿದೆ.

  

  ಗದ್ದೆಯಲ್ಲಿ ಜಾತ್ರೋತ್ಸವ ಪ್ರಯುಕ್ತ ಕಾರ್ಯಕ್ರಮ ನಡೆಯುತ್ತಿತ್ತು. ಈ ವೇಳೆ ಬೆಂಕಿ ಕಾಣಿಸಿಕೊಂಡಿದ್ದು ಕೆಲ ಹೊತ್ತು ಆತಂಕದ ಪರಿಸ್ಥಿತಿ ನಿರ್ಮಾಣಗೊಂಡಿತ್ತು.

  ಈ ಗದ್ದೆಯ ಪಕ್ಕದಲ್ಲಿ ಪೆಟ್ರೋಲ್ ಪಂಪ್ ಕೂಡ ಇತ್ತು. ಇದರಿಂದ ಮತ್ತಷ್ಟು ಆತಂಕ ಉಂಟಾಗಿತ್ತು. ತಕ್ಷಣ ಎಚ್ಚೆತ್ತ ಸ್ಥಳೀಯರು ಕೂಡಲೇ ಬೆಂಕಿ ನಂದಿಸಿದ್ದಾರೆ. ಹಾಗೂ ನೆರೆದಿದ್ದ ಜನರ ಆತಂಕವನ್ನು ನಿವಾರಿಸಿದ್ದಾರೆ.